單面八婆

八婆BLOG is back!! hope can maintain one entry each week. enjoy:

FullSizeRender

「有個女人,我留意你好耐喇!」

好多女仔都會認識一D雙面女子,呢D女子對住男人會姣D,溫柔D,黐身D,細食D。佢地對住男人唔會講是非,保持笑容,人地講嘢佢會俾反應,風騷,會刻意有身體接觸,黐過人地度,黐住手臂,搭人膊頭等等。

呢D女子對住女仔時就會好奔放,豪氣,有人講嘢會大聲D,有人會講粗口,有人會講是非,總之做返自己。我對呢D女仔無反感,咁人地都係保持形象挽啖食啫,如果對住女仔朋友都唔釋放一下,太過壓迫了。我完全接受呢類雙面女子。

不過,呢年發現原來有一種雙面人,是兩面會同時間出現的,SHIT!呢個人我留意佢好耐了!!!話說第一次見,在有男有女的場合,呢個女子沒有自我介紹,是她身邊的人幫她介紹的。她沒有笑容,我心諗:

「一係怕醜。」

「一係無禮貌!」

因為我係一個nice的人(wakakaka),所以我俾機會佢,我向佢笑,佢無反應。跟住大家吹吹水,我男友同佢傾D無聊嘢,佢有講有笑,我有一齊講吓,XXXXXXX,佢完全唔望唔應我,或者俾面應一兩隻字,好似當我係派傳單D人咁!

之後幾次,發現佢繼續完全唔理我,會理少少佢男友D朋友嘅女友(只是少少。)(係呀,佢有男友㗎。)佢最熱情款待就係男人。佢就係呢種:「呢D女子對住男人會姣D,溫柔D,黐身D,細食D。佢地對住男人唔會講是非,保持笑容,人地講嘢佢會俾反應,風騷,會刻意有身體接觸,黐過人地度,黐住手臂,搭人膊頭等等。」

話說有次佢男友同D男人都出哂去,只剩一個男人同我地成班女人,照常理D女仔都會自己傾計,但係!佢選擇坐過去留低咗嗰個男人旁邊,主動撩人風騷地傾到哈哈聲(捉住人手臂嗰種)。

男人唔會覺得呢D女人有問題,不過正常女仔會覺得你肉酸同無禮貌。我知,佢睇到呢篇嘢都不會care,呢D ‘我行我素’ 的人。。。你對男人好唔緊要,你男友唔識mind我又點會mind。不過唔該對D女仔有返少少禮貌。

完。

Published by

EKEE

witch . psychic card reader . author . singer . artist . youtuber job/tarot contact: 9768-5388 (whatsapp only) job email: richekee@gmail.com tarot email: badblood.magick@gmail.com

One thought on “單面八婆

  1. 好可怕呢種女人,最慘係你如果話比啲男人知,啲男人反而會話你做乜咁話人地,對住男人姣我無反感,對住女人就無視先最恐怖,究竟個女仔有無女性朋友既呢?🤔😂

    Liked by 1 person

Comments are closed.