各大品牌，真心感謝大家常常送我禮物，有些事是我從來沒有告訴你們的。

那些速遞阿叔！

好多次送錯地址，之後見到我時俾說話我聽。

他們很多時在沒有預約的情況下到咗門口（裡面無人），然後打來話我（有時來來回回好多次電話，仍然唔知自己想點咁，明明教咗佢點做，例如放在門口或給隔離舖頭代簽收）。

好多時極無禮貌。剛剛又有一個打來話在門口（無約我的，一早告訴所有人舖頭沒有opening hours，每天schedule不同），我話無人，都未來得及問什麼公司send嘢來他就cut我線。

仲有，我都搬咗半年有多，已update了新地址不只一次，但還是不斷有嘢送到舊地址。

我是一個人家送嘢俾你都要投訴的死八婆嗎？我不是。我沒有義務要受大叔們的氣。（仲有一次有個眼神古怪的對我怪笑..）

最後補一句，當然有啲好好的速遞員，但cut我線的比較多。收禮物個個女仔都鐘意，但呢啲大叔偏偏成為禮物的一部份。我知呢啲阿叔不是品牌的控制範圍，所以呢篇不算是投訴，只是想講啫，都無嘢做到㗎喇。🚬