EVITAvsEVITA

🍓🐻‍❄️🏋🏼🌟2023 SEPTEMBER

2023 九月星座運勢！🌟

Let’s Go!

🌈白羊座

整體：

準備中準備中

戀愛：

🤪第一句就要叫你小心

小心陷入三角戀❗️

如果識到新對象

記得了解清楚對方狀況

切勿衝動開始🚫💃🕺

另外就係人言可畏

最近身邊嘅說話好容易影響你

無論佢哋係好心緊張你

定係想教精你都好🥸

盡量唔好咁易俾人影響。

今個月總之越安穩越好😌🍵

唔好俾自己有太大嘅情緒上落。

事業：

🤓今個月做嘢規規矩矩

唔好走捷徑

☠️絕對唔好做犯法嘢

如果唔係損人而不利己。

如果覺得合作嘅人

又或者同事唔係太正能量👹

盡量唔好太多工作以外嘅交流

🏃🏻正正經經做完嘢就離開。

👄亦都盡量避免講是非

好容易傳返出去👀

真正嘅事業發展未有嘢睇

而家只係儲緊經驗💪🏻

所以盡量儲啲正面嘅經驗

唔好浪費時間喺無聊嘅人事問題上。

🌈金牛座

整體：

公平公正最緊要

愛情：

對人哋嘅感情事，

唔需要太關注

唔需要俾太多意見。

最近有點憤世嫉俗

對所有嘢都好有感受。

如果同心儀對象溝通嘅時候

過分偉論濤濤👺👺👺

又或者對世界太多投訴

對方未必會覺得你正氣

反而覺得有啲煩😅

雖然整體運勢係叫你公平公正最緊要

係講緊喺心裏面

睇事情要睇全部

唔好偏激

亦都唔代表一定要表達出嚟。

自己好好消化，維持最好狀態。

事業：

今個月做嘢要爽快

唔好拖泥帶水

唔代表叫你魯莽

不過要做嘅嘢就唔好再等

尤其是文件上或行政上嘅嘢

冇需要等嘅嘢就可以做咗先。

有時唔好覺得自己做多咗做快咗

會益咗豬隊友🐷

因為你唔做對你嘅影響最大

有啲機會一點就過

作出理智分析後盡快把握。

雙子座

整體：

已經準備就緒

愛情：

似乎你已經喺狀態中🙂

可以將狀況進一步發展了。

如果有另一半🥳大家關係可以進一步。

帶對方見屋企人係一個好嘅動作。

如果係單身嘅話，唔該出去識吓人。

而家狀態良好唔出去識人等幾時？

唔好嘥晒啲運喺啲app嗰度

真人走出去😉俾人見到你先係上上之策

事業：

工作嘅人際關係好緊要

可以幫你更上一層樓🤩

尤其是你公司，

或者你嗰行嘅重要人物

前輩，高層等等。

最近識多啲人冇壞

👋🏻🤓盡量俾人認得你

好處係建立關係之後先至會出現嘅。

最近唔好做啲太偏門嘅嘢

或者太少人做嘅嘢🤡

尤其是自己做生意嘅人

最近唔好太標奇立異🤖

🌈巨蟹座

整體：

少有地好想話事。

愛情：

呢個月溫柔欠奉😲

平時善解人意嘅你

好想有人聽吓你講嘢

因為終於想攞返啲專注力喺自己身上

唔想全部時間都擺晒喺人哋身上。

呢個係一個健康嘅改變👍🏻

而呢個改變，只係暫時

因為你本質都係喜歡服侍人。

有冇另一半都好

多啲me time🥰

放自己喺第一

先至有魅力吸引另一半。

事業：

今個月適宜做重要決定

諗嘢比較堅定😬

睇嘢有洞察力👁️👁️

完全可以相信自己嘅分析同直覺。

身邊嘅人未必估到你咁有睇法

可能會嚇一條🫨🫨🫨

就俾佢哋認識一下呢一面嘅你。

如果有下屬嘅話

俾大家感受吓你嘅領導才能

唔需要扮到好friend然後平起平坐嘅感覺

🌈獅子座

整體：

要風得風要雨得雨？

愛情：

呢個月狀態係幾好🤩

不過又有可能過分自信

😐所以忘記咗顧及對方感受

記住俾返少少溫柔🧜🏻‍♀️

溝通嘅時候唔好淨係講自己嘅嘢

大家有來有往

🩷人緣同埋感情都會順利。

事業：

🤑搵資金，搵資料，籌備新項目

總之今個月想要嘅資源

只要你去搵就會有🤗

即係如果你乜都唔做

啲嘢係唔會發生😵‍💫

所以有幾多idea都冇用

成功與否就睇你自己有幾勤力💪🏻

唔好旨意人哋

因為人哋多數令你失望。

🌈處女座

整體：

大家都替你高興

愛情：

💜今個月所有人都幾想見你

似乎人緣運真係好旺盛

反而你唔係太enjoy熱鬧嘅活動

不過單身嘅人

千祈唔好太摺😶

可以盡量出啲小組又或者單對單嘅約會

唔好俾自己摺到完全唔出街。

🙂今個月都有啲長輩運

見下另一半嘅屋企人都好㗎～

事業：

無論你有冇權威嘅感覺

最近大家都願意聽你講嘢🥰

你可以試吓指揮其他人

唔需要全部嘢自己落手做

你嘅經驗，加上講嘢有道理

其他人係願意跟隨嘅。

如果自己做生意

😬多啲宣傳（branding）

講吓你嘅理念，感受，睇法

客人會願意聽同埋跟隨。

🌈天枰座

整體：

唔可以心急

愛情：

😌今個月係耐性大考驗🧘🏼

要明白，唔係所有人速度都一樣

例如：投入一段關係嘅速度🥰

決定自己係鍾意定係愛嘅速度🤪

甚至乎小至回覆message嘅速度🫣

🥰要俾時間同空間對方

冇壓力嘅情況底下😌😌😌

就已經係用緊最順利嘅速度向前了。

事業：

一早做落嘅嘢有收成🥳

或者識咗好耐嘅人最近可以幫到你

所以嚟緊將會得到幾多

🌱就視乎你之前栽種咗幾多。

又或者你由而家開始再重都可以

讀啲嘢🤓📚學啲嘢都係一個好開始。

儲錢嘅話，唔好心急

積少成多。

🌈天蠍座

整體：

冇心Social

愛情：

完全唔想搞人際關係

嚮往六根清淨🧘🏼🧘🏼🧘🏼

可惜呢個月又有啲愛情運🤪

而且有啲煩惱嘅抉擇

所以你有可能會逃避問題。

尤其是拍緊拖嘅人

會拖住先😶‍🌫️

但係問題遲早都要解決。

單身嘅朋友🤓

呢個狀態之下迫自己出去識新朋友

可能都係識到啲唔啱嘅

所以今個月休息吓先啦。

事業：

呢個月覺得情塔同人際關係好煩，

所以醉心喺正經嘢

冇平時咁懶🤣

所以適合將時間投放喺工作

唔需要驚自己攰得滯

一次過可以做多個一樣嘢

爆發小宇宙🤩

💥感受吓自己嘅力量啦！

🌈射手座

整體：

你係大家嘅明燈

愛情：

今個月好多人問你攞意見

但係發生喺你感情世界嘅嘢就唔多

😐單身嘅人似乎未有着落

拍緊拖嘅人，好穩定👍🏻

冇事冇幹嘅一個月。

👁️處理人哋嘅事，適可而止

唔好用太多精力同時間～

事業：

🥰今個月你被公司需要

🥰被客戶需要

🥰被partner需要

有好有唔好

佢哋對你呢份係信任🫱🏻‍🫲🏽

係一個十分良好嘅印象

但係如果過多嘅話就會變倚賴。

今個月亦都適宜做生意

搞project

做發起人🙌🏻

🌈山羊座

整體：

太多多餘想法

愛情：

呢個月諗多過做

太多FF

太多如果

真實世界裏面建立嘅關係其實唔多

可能對方仲未覺得同你好熟

但係因為你諗得太多

你以為大家已經有進展。

小心誤會，或者表錯情

總之直接搵對方溝通係最好。

🤡🤡有另一半嘅人

最近會懷疑對方🤪

懷疑佢喺出邊係點樣

懷疑佢對你係唔係真誠

懷疑佢係咪有好多嘢冇講

👉🏻👉🏻👉🏻你應該係諗多咗

如非必要都唔好俾太大壓力對方。

事業：

👁️事業上要小心

好多人做咗冇事嘅嘢

唔代表你做都會冇事

👀👀👀所以唔好做古怪嘢。

尤其是做生意

要清楚知道自己每個決定嘅動機。

如果動機係正面嘅話🥰

事件就唔會複雜化

得到嘅收穫就會最多🤑👍🏻

如果喺工作上事件越來越複雜

一定同初心有關連

可能而家同初心已經脫咗軌

自己Double check。

🌈水瓶座

整體：

加油，繼續努力

愛情：

今個月俾人沉穩嘅感覺

好有安全感🥰

而且係一個很好嘅聆聽者

所以雖然你唔算太active

但係你嘅吸引力好高。

今個月特別留意肯聽你講嘢嘅人

同你有共同興趣嘅人🙌🏻

又或者唔介意聽你發表嘅人。

切忌衝動🤓

真係傾過偈，了解清楚先好進一步

事業：

今個月有貴人相助🙌🏻🫱🏻‍🫲🏽

只要俾人知你做緊嘅嘢

俾人知你叻啲乜

俾人知你想點

相對可以幫助你嘅貴人就會出現。

不過今個月有點藝術家脾氣🤪

溝通同人際關係，唔係太叻

注意表情管理🌚🌚🌚

唔好咁易唔小心show出嚟

今個月注重理財，儲錢亦都很重要

比製造金錢和投資更加重要。

🌈雙魚座

整體：

接受自己嘅變化🌝🌖🌚

愛情：

呢個月經常改變主意

所以對住一個人

可能今日覺得佢幾好

聽日又突然間睇唔順眼

建立關係，需要長少少時間

唔好變一變就放棄～

因為咁樣對方都跟唔上

又或者會死得不明不白😆

有另一半嘅人🥰

擺多少少時間係欣賞對方度😍

咁樣你對佢嘅感覺變動應該冇咁多。

事業：

新機會出現🥳

又或者係你自己製造新機會💪🏻

👍🏻所以轉工或者係學習都好適合

如果咁啱公司大地震🫨

或者有新同事新老闆👨🏻🧑🏻👩🏻

唔需要擔心

所有變動對你來講都係好嘅

🤗用你嘅適應能力迎接新世界啦～