EVITAvsEVITA

🍓🐻‍❄️🏋🏼🌟2023 NOVEMBER

2023 十一月星座運勢！🌟

Let’s Go!

🌈白羊座

整體：

唔好顧住玩

戀愛：

🤓單身嘅你

唔好嘥時間📲📲📲漁翁撒網！

你只需要一個好人🧒🏻👧🏼

一段可以長線發展嘅關係👩🏼‍❤️‍👨🏼

花時間喺增值自己度

好過用啲時間喺app同一堆陌生人講嘢

（除非有一兩個已經覺得ok）

🤓有另一半嘅你

如果你想嘅話

2024可以同佢關係大進步

甚至組織家庭等等🩷

事業：

🧘🏼今個年尾養尊處優，

已經唔係衝刺嘅時候，

因為出年適宜跟一啲長線計劃進行。

🔭即係叫你而家plan定出年嘅嘢～

儲錢，轉工，讀書，出國等等都可以

🖼️早啲未雨綢繆啦～

🌈金牛座

整體：

不用心急

愛情：

好少叫人守株待兔

😲今個月你可以試吓

只要你狀態穩定😌

個人唔係匆匆忙忙咁

好人好事今個月就會游埋你身邊

👨‍👨‍👧‍👧今個月亦都要好好搞好家庭關係

對你整體嘅人緣運都有幫助🤩

事業：

😶唔好孤寒啲小小嘅錢

唔好太孤寒你嘅時間同努力

如果想得到效果

你必須要付出💪🏻💪🏻💪🏻

你今個月付出嘅嘢一定有效果👏🏻

唔建議作出太大嘅轉變

除非轉變後就係一個好穩定嘅地方

如果唔係最好留返出年先郁👀

雙子座

整體：

魅力，飄忽不定

愛情：

🪼今個月會俾人捉唔緊嘅感覺

可以係一種好大嘅吸引力😍

但係時間耐咗

都可以係令到人放棄嘅一個點😪

所以你要好好把握呢種吸引力

如果唔係對方不知所措就會離開

今個月其實你心裡面唔飄忽，

你知道自己想點，

只係表現唔到出嚟🫨

事業：

需要💃個人魅力嘅工作，

💃拋頭露面嘅工作，

💃藝術類型嘅工作，

今個月發展良好！

今個月對數字唔係太敏感

甚至有可能大頭蝦計錯數

自己留意返😆

🌈巨蟹座

整體：

被需要感覺真好

愛情：

今個月想同好多人互動

有源源不絕嘅能量❤️⚡️

但係反而唔嚮往愛情

😛如果有另一半嘅人

反而想要多啲me time

又或者多啲群體活動🥳🥳🥳

其實你今個月呢個狀況十分之健康

一於享受吓呢個咁好嘅狀態

👏🏻喺人際圈中活躍起來吧！

事業：

今個月人緣咁好，

👥當然適宜合作啦！

同熟悉嘅人合作比較好，

冇分高低上下，

🤜🏼🤛🏻大家平起平坐比較好。

如果自己做生意，買嘢等等

可以擺下市集開下live🙌🏻

🤗總之真人多啲出去見人最好～

仲有：今個月刀仔鋸大樹

唔建議一大筆錢投資出去

🌈獅子座

整體：

情緒化，唔好享受佢

愛情：

今個月小事化大，

如果對方冇搵你一兩日，

你以為世界末日了😫😫😫！

如果冇乜事發生，

腦海中會無啦啦飄起以前嘅往事🚬

😫😆總之今個月心情忽高忽低

如果今個月先認識你，

會被誤係一個情緒化嘅人。

多啲做calming嘅活動

保持穩定🧘🏼平安。

事業：

👏🏻其實表現良好

有目共睹的良好🤓👍🏻

但係你今個月善於批評自己

或者啲嘢做極都唔滿意

明明全部人話OK

你都想再做過🫠唔放過自己。

有要求係好嘅

但係如果俾到壓力自己，

而對件事嘅改變唔係好大

🍵🍰咁就情願休息一下。

今個月唔適宜做重大決定

就算做都係daytime做🌞

入夜之後就唔好諗工作喇～

🌈處女座

整體：

就快出現，have faith

愛情：

今個月係平安嘅感覺

未必係好吸引好突出👀

但係會有志同道合嘅人被吸引過來

唔會係激情或者一見鍾情

要花點時間溝通🙂

但係成功建立關係嘅可能性好高

有另一半嘅人

🌚🌝多啲二人世界

因為喺群體活動中

你嘅注意力會俾其他人搶走

有啲似各自各同朋友玩咁

一個weekend就咁就過去了～

事業：

踏實平穩嘅一個月😌

你喺公司裡面有重要嘅位置

大家知道你嘅重要性

今個月你唔需要chur表現🥵

做晒要做嘅嘢，收工走人啦

如果想轉工嘅話🤔

👀 建議睇定啲先

適合你嘅機會會慢慢出現

唔需要太衝動。

🌈天枰座

整體：

迎接不一樣嘅自己

愛情：

🤓單身嘅你識吓人先

完全唔需要急於做決定

可能你轉個頭嘅擇偶條件又改變了

唔係話你個人善變

而係你而家成長緊🌱

正處於一個不穩定嘅階段

需要少少時間🌻例如出年年頭

🌞你就會穩定好多了。

所以而家慢慢識吓人先

做決定留返遲啲。

有另一半嘅人🌚🌝

越多心事就越要溝通

就算最近心情變幻莫測都好

有溝通好過冇溝通。

事業：

想事業上有改變

而家係時候做啲嘢！

呢一刻做嘅改變，未必代表一切

唔係話你轉咗一份工

就會以後stuck喺嗰度

變完之後係有機會再變嘅

所以建議你而家點都變少少先。

唔需要諗太長遠～

住～😂。

今個月心靈滿足🥰亦都緊要

🤑唔好淨係為咗錢工作

🤩都要有啲滿足感～

🌈天蠍座

整體：

為自己今年嘅付出慶祝

愛情：

呢個月嘅魅力好強🤩

就算你冇做啲乜都有吸引力成為焦點

好多人會想認識你😬😬😬

想唔想同佢哋繼續建立關係，

👉🏻呢個係你嘅選擇。

但係唔好為咗要保持禮貌

🙃🙃🙃而來者不拒

唔敢疏遠，或者拒絕人。

有另一半嘅人，

🏖️11 12月適合同佢去旅行～

遠近都冇所謂✈️

一齊出去經歷吓精彩嘅世界。

事業：

好想有新搞作

對於做開嘅嘢有啲悶

腦入面有好多新想法都好想試

🤪🤪🤪呢個咁花心嘅狀態

如果真係走去乜都試🫠

你會浪費好多時間同精力。

而家講緊事業發展🧑🏻‍💻

計算吓付出嘅時間同可能嘅收穫

👍🏻學一個新技能也不錯～

🌈射手座

整體：

睇清楚整個狀況，你有控制權

愛情：

今個月好獨立，

比較想人哋聽你話，

而唔係同人合作。

呢個狀態喺建立關係嚟講，

🫣唔算太理想。

除非你搵到一個人，

佢好想做你下靶🤣

願意聽你話冇投訴，咁先至OK。

💃🕺如果單身的你認識新朋友

最好多聆聽👂🏻

💁🏻俾返適量嘅話事權對方。

有另一半嘅人😶

今個月唔好相處太多比較安全

今個月你真係帶來一點壓逼感🤪

事業：

今個月專心工作啦！

🤩🤩🤩狀態大勇！

有洞察力👁️頭腦清晰又冷靜，

而且溝通有說服力，

係有實力有行動力嘅狀態。

打工仔適宜諗清楚自己可上位嘅階梯

就算你係屬於冇野心嘅人

都唔適宜漫無目的咁樣打散工

穩定少少比較好。

🌈山羊座

整體：

容易不滿

愛情：

今個月有機會認識新朋友

但係好似全部都睇唔上眼🫠

你要求唔係真係好高🤔

不過相處落嚟，

你總會找到一些你唔鍾意嘅地方

🙅🏼‍♀️然後就唔俾機會人哋了。

其實人哋都會喺你身上搵到啲唔鍾意嘅嘢

只不過對方會想繼續睇多啲

因為同時間都想發掘一啲鍾意嘅嘢

如果你feel到今個月

😒😒😒你對所有人都好挑剔

包括身邊嘅人👨🏻‍🦳👵🏻👩🏾‍🦱👩🏻👨🏻

（對自己就唔會🤣）

可能你要嘗試多啲讚美別人

如果唔係你隻眼唔會識得望其他人嘅優點

講真，今個月啲人唔係特別差。

事業：

今個月洞察工作嘅頭腦發達

🎖️理性思維，清晰準確

懂得用最快最簡單嘅方法去完成一件事

不過反而溝通就差少少🤪

所以如果有人反對你嘅建議

又或者有人太蠢🤭🤭🤭

你千祈唔好咁易嬲

你要接受每個人都有佢自己嘅想法

冇話啱定錯嘅🤗

👍🏻分析能力咁好

如果認為係時候轉工咁就轉啦！

聽自己嘅分析😉好過聽人嘅意見。

🌈水瓶座

整體：

心靈健康，充實，富足

愛情：

雖然今個月狀態好

機會同埋人緣都有

但係好容易吸引咗一啲

「需要你幫忙」嘅人過嚟😩

又或者好悶需要人娛樂😫

又或者返工唔開心需要人聽佢放負🥺

盡量安排自己俾開心嘅人包圍🥳

被滿足嘅人包圍😌

多啲放時間喺互相交換快樂嘅人身上

戀愛中嘅你💜💙🩵

另一半有少少覺得被忽略

因為你把時間和心機都放在其他人身上

或者喺公司身上🫠

記住要特登俾返適量嘅關注對方～

事業：

🤔今個月會好想做有意義嘅事

如果工作只係為賺錢嘅話🤑

你會有離開嘅念頭😲

其實如果份工冇乜問題

你想打消呢個念頭嘅話😩

有意義嘅感覺唔一定工作裡面搵

你可以喺工餘嘅時間做有意義嘅嘢

總之整體上感覺充實就OK了🫡

暫時你都係適合穩定

💃唔建議有太多跳嚟跳去～

🌈雙魚座

整體：

你係一個小朋友，不能一直扮大人

愛情：

雖然有時不切實際🐟

其實呢啲係你心裡面小孩嘅呼喚

你有時會想用最純真嘅心同人溝通

呢個亦都係信任同埋「喜歡你」嘅表現

👨🏻如果對方覺得你幼稚嘅話

似乎呢個人未必識得欣賞你🚬

🙅🏻‍♂️千祈唔好為咗取悅對方而改變自己

溝通緊，或者已經一齊咗都係

總之做返自己就會有最適合嘅事發生

因為呢個你就是十分之可愛😉👍🏻

事業：

👥今個月適合搞project

適合多溝通傾生意等等

不過如果你想轉工🤔

見工嘅時候可以比對方感受你嘅創意

👉🏻不過同時間都唔好太跳脫

有返少少沉穩嘅感覺會穩陣啲。

轉工轉行，轉國家都可以啊🤩

嚟緊都幾多新機會同可能性👏🏻👏🏻👏🏻

轉變對你嚟講係一件美好嘅事～