魔女伊維特 每月星座運程🧡🖤🧡 2021 JANUARY

2021 第一測!🌟 祝大家好運~

Let’s Go!

白羊座

整體:

你已經為新一年做好準備,尤其是心理準備,既然計畫已有,錢也預備好,不如採取行動吧。你心裡想做的事情,是應該讓大家知道的,這個月你有種吸引人注意的吸魔力,沒有辦法低調下來。

戀愛:

有另一半的人,生活美滿,你的付出對方會感受到。

單身的朋友,你有趣可愛的一面,最能夠吸引對的人。

至於勾纏中的人,不要繼續盲目付出了,

沒有聯絡也好,精神上單獨付出也算。

事業:

你有很好的idea,一個不知你會受惠的idea,這個月適宜分享,group project等等,甚至做管理或老闆。

金牛座

整體:

一定要斷捨離一次勁的。唔係講笑,因為會影響運氣。

愛情:

太多前事甚至舊物件逗留了,

就算你覺得是美好的回憶,

但太多也是不好,

那些頻率已經跟你現在頻率不對了。

清理一下,過去的就過去。

事業:

工作有點停濟不前,有不好的隊員,

多餘的做法或想法在減慢你前進的速度。

重新洗版再來一次比較快,

嘗試用最簡單的方法來處理工作。

雙子座

整體:

心高氣傲,不想跟不同level的人溝通。

愛情:

這個月容易對另一半或其他人生厭,

就是容易看到看不順眼的地方。

其實他們沒有變,沒有變差

只是你這個月很挑剔

叫你嘗試欣賞其他人的優點也沒有用,

所以我建議你多些時間獨處好過。

事業:

這個月眼光不錯,

如果做買賣生意的話,

可以多入貨,不要好怕花錢。

打工的話這個月辦事效率也高,

不過氣場有點難以接近,

所以適宜少說話多做事。

可以投資,請人,眼光不錯。

巨蟹座

整體:

團隊的力量,你要好好運用這助力

愛情:

一定要帶另一半或者有可能嘅人出嚟,俾朋友過目。

如果單身的話,應該要靠社交活動認識新朋友。

網上識人暫時不太好,

這個月容易認識不對的人。

事業:

這個月很有team spirit,如果有不同頻率的人,

請不要把注意力focus到他們身上,

他們是阻力。

投資的話,可以聽聽其他人或專家的意見,

做任何決定之前都做足準備比較好,

這個月人力比直覺強。

獅子座

整體:

這個月是冷靜成熟的,不變應萬變,穩定是王道。

愛情:

這個月你對自己的想法從滿信心,可以說是堅定,

可以說是固執,所以溝通容易出問題。

尤其是有另一半的人,出發點是為對方好,

但聽起來會像撩交嗌。自己注意一下表達方式,

也不要強逼別人跟你的做法。

事業:

這個月不適宜social,

只跟關鍵人物溝通就可以。

做實事,努力的樣子會被看見的。

處女座

整體:

這個月心情好好,好想跟人溝通,很想去玩。

愛情:

這個月你能夠展現魅力,但看來你不想認真,

小心發放錯誤訊息給人,

尤其是一些很想結婚的人,擺明搵老公老婆嗰啲,

你未ready㗎。

有另一半的人,這個月be playful,增進感情。

事業:

這個月的你聰明靈活,急才也很好,

可以在一班人中突出。

不要看少自己,你的能力比你想像中的好很多。

天枰座

整體:

充滿驚喜的一個月,全部都是新機會

但如果你一心求安穩,不敢改變,

驚喜要出現還是有困難

愛情:

或許會有人對你有興趣,

但多數都不是你有興趣的人,

對不起。可是,他們都是善意的,

做個朋友也不錯吧,也算是人緣運吧

事業:

事業上有很多distraction,

包括叫你去玩嘅朋友,

叫你一起蛇王嘅同事等等。

穩穩陣陣完成手上工作已經算成功。

天蠍座

整體:

你有辦法把不好的事情解決,

你可以負上更多的責任,

做更重要的角色。

愛情:

這個月你完美地運用出天蠍的神秘感,

令對方時時刻刻想著你。

有目標的話,不用過多溝通,

反而有些留白的時候讓他想掛念你更好。

有另一半就不用太多計謀,

做自己就最吸引了。

事業:

這個月適宜運用個人魅力賺錢,

例如讓客人多些見到你,

或者跟老闆多溝通等等,

這個月說服力很好,sell嘢sell橋sell自己都一流。

射手座

整體:

家庭關係是這月重點,一定要先處理,先鞏固。

愛情:

這個月你感覺不到浪漫愛情的重要性,

一心就是想見朋友,

如果有另一半或有心儀對象的話,

記得提醒自己得閒check check對方感受

如果單身的話,你自己享受社交,

今個月不需要強求愛情

不代表沒有機會,

只是專注都沒有幫助。

事業:

這個月有很多機會傾嘢,開會之類,

不過唔係每個會都有意義的,

有些吹水吹到唔知去到邊

所以自己睇住。

有營養嗰啲會係真係好有用,

有無限個可能性,

可以試試傾啲合作。

山羊座

整體:

世界太多資訊,讓你覺得混亂

愛情:

這個月很容易對人產生感覺,

但萬一表白或發展得太快,

之後可能會後悔。

如果真的要發展感情的話,

多謝日間活動吧。

事業:

不要拿自己跟同行的人比較

因為這個月自信心不足

容易覺得自己做得不夠好

但又沒有激發你去積極起來。

簡單來說,少少玻璃心加少少懶!

起身喇!多些行動俾啲力啦!

水瓶座

整體:

有些不良的想法,你的darkside出來影響你!

愛情:

這個月妒忌心比較強,你無法接受情敵的存在

就算是假想的情敵都容納不了,

容易跟另一半爭吵。

單身的話,

你需要多一點溫柔,冷靜。

氣場太強,人家會猜你是個大男人/大女人

事業:

其實你很好蝦,這個月鱷魚頭老親底。

建議在職場深藏不露,

不要太多意見,

因為這個月你太容易read了

底牌露出來。

傾生意,傾人工,有啲唔著數。

雙魚座

整體:

找到知音人,不如用月亮石的能量煲大佢~

愛情:

甜蜜,美滿,

似乎這個月都充滿浪漫的感覺。

有結婚或關係上進步的計畫,

可以take action了,

因為你們兩個都ready。

單身的朋友,遇到對的人機會很大,

不告訴自己不可能。

事業:

只要有計劃就可以做

不適宜做衝動的決定

不適宜做高風險的事

適宜跟信得過的人合作

只要出發點是正面的,

你都會成功。

魔女伊維特 每月星座運程🧡🖤🧡 2020 DECEMBER

每月星座運程

2020 Dec 十二月。2020終於嚟到尾星🌟

睇吓今期星座啦~Let’s Go!

白羊座

整體:

把自己的幸運分享出去。

戀愛:

呢個月完全係狀態中,

外在同內在都散發着吸引力,

社交機會都多(唔建議多人活動啦)

但係因為狀態太好

新朋友會怕你難以接近

怕你會唔放佢哋喺眼內

所以唔敢主動引你關注。

有冇對象都好,

呢個月你要主動接觸人,

對人表示善意。

事業:

事業一切穩定,

唔建議有太大轉變,

呢一個月如果穩守崗位嘅話

可以累積經驗同財富

累積嘅意思即係變多

所以唔好中途離場

有什麼大轉變就留返出年先

今個年尾嘅好運氣係可以同人分享

不妨俾啲機會身邊嘅人

有錢齊齊搵。

金牛座

整體:

運氣翻返嚟,繼續向前行

愛情:

一啲唔啱心水嘅人

或者以前傷害過你嘅事

總之唔好嘅嘢會慢慢離開

如果而家有唔好嘅嘢

佢已經係尾聲

你亦都唔使驚佢遲啲會返嚟。

如果感覺唔良好,

一切都係自己嚇自己。

如果有另一半嘅話,

你哋可以商討一個新嘅相處方法,

唔好俾以前嘅唔開心嘢阻住晒。

事業:

今個月唔建議有太多大動作,

尤其是人事關係上,

避免避免講是非

避免喺背後批評其他人

呢個月禍從口出

總之做好自己,低調謹慎

實實在在咁樣過埋呢個月啦。

雙子座

整體:

心靈探索

愛情:

今個月你發現自己有點改變

你想要嘅愛情同埋對象都有點改變

你開始追求心靈相通嘅人

可以交心傾偈嘅人

多於條件上嘅要求

又或者多於呢個人有冇趣

如果有另一半

不妨與對方多一啲感性嘅溝通

你睇吓呢個人同你其實心靈層面上能唔能夠想通

呢個轉變係一個進步

所以你應該接受呢個全新嘅自己

事業:

呢個月工作力不從心

返工等放工

甚至乎你會問自己每日喺度做緊乜嘢?

其實心底裏你好需要一個目的/意義

如果遇到呢個狀況

有必須要繼續打工嘅話

你唔需要立即轉工

你只需要喺工作以外尋找興趣

分散一啲專注力就可以。

我係講尋找興趣

而唔係一定要找到興趣。

巨蟹座

整體:

自我保護

愛情:

單身嘅朋友

呢個月都幾多機會識人

不過都幾多無聊人

為免浪費你嘅時間

千祈唔好所有約會或者訊息都回應

要嚴重filter。

有另一半嘅朋友

呢個月會有引誘出現

你自己好自為之

叫得做引誘即係有吸引力嘅

不過對你冇益。

事業:

工作方面冇乜特別,

不過理財方面就出事了

你會有錢用

不過好多都發咗喺唔需要嘅嘢身上

真正值得買嘅你又錯過左

所以呢個月盡量唔好買「垃圾」

又或者係唔好太花費喺吃喝玩樂身上

因為一餐飯食咗就冇咗

可以話係虛空嘅。

而以你今個月嘅狀態,

你並非必定要呢啲聚會先至會令你開心同放鬆。

獅子座

整體:

終於都諗通

愛情:

之前對愛情上嘅一啲執着

今個月終於都醒了

今個月應該可以成功Let Go一啲舊有想法

一啲過往嘅回憶

或者一啲放唔低嘅人。

呢個過程可能有少少痛苦

不過喺年尾有呢個轉變係好嘅事

出年你係關係上一定會有大進步。

事業:

事業上唔好衝動,

如果想開新計劃又或者創業

最好做好準備

留返下年先開始

你嘅準備要充足

你損失嘅可能性就越低。

如果係打工嘅話

千祈唔好做埋人哋嗰份

處理好自己嘅份內事就夠了。

如果唔係人哋嘅問題就會變成你嘅問題

仲有,盡量唔好借錢俾人。

處女座

整體:

唔好睇小自己嘅力量

愛情:

係愛情裏面

有啲你唔同意或者唔喜歡嘅地方

一定要出聲

甚至乎可以選擇離場

如果同新對象發展嘅時候

心裏面覺得完全溝通唔到

其實就無需要再去一啲悶到嘔嘅約會

有對象嘅人都一樣

有啲乜嘢睇唔過眼都一定要出聲

如果唔係遲早有一日

當你頂唔順嘅時候就會突然間離開。

事業:

喺事業上好容易將專注力放咗喺其他人身上

掛住留意人哋嘅成功

掛住留意人哋嘅錯處

反而忘記咗爭取機會去展現自己

所以就算你己有才華都好

今個月好容易會企咗喺暗淡嘅角落

令高層完全留意你唔到。

天枰座

整體:

感性嘅月份

愛情:

今個月比較敏感

好容易被觸動

好容易會感情用事

因為一時間嘅感覺而做出決定

如果單身嘅話

唔好咁容易就同人一齊

或者發生超友誼關係

因為我怕你感性過後會後悔

有另一半㗎你,

反而要爭取今個月嘅時機

好好跟另一半互動

令感情變得紮實深厚。

事業:

今個月有好多不切實際嘅想法

有好多思考嘅時候

但係行動性好低

唔係因為你懶惰

只係因為你幻想太多

你嘅時間會不知不覺間溜走

12月好似眨吓眼就過

所以呢個月唔適宜迫自己喺工作上加速

因為見你今個月嘅狀態

加速係唔可能嘅事~

天蠍座

整體:

其實可以更好

愛情:

呢個月雖然你冇乜期望

不過你散發緊魅力

亦都有人留意住你

雖然未必係你感興趣嘅人

但係呢啲人對你係善意嘅

千祈唔好利用佢哋做兵

真心想成為朋友就唔好俾假希望人

講清楚你嘅意思。

有另一半嘅朋友,

記得要俾對方知道你appreciate佢地嘅付出

因為呢個月你好容易會老馮咗都唔知

會影響對方愛你嘅士氣

事業:

呢個月你有成功嘅特質

淡定,冷靜,視野清晰

雖然你唔算高調

但係已經引來注意

如果想升職加薪嘅話

不妨大膽啲企出嚟

俾老闆更加容易睇到你

有要求都不妨講出嚟

因為你嘅能力係被肯定的。

射手座

整體:

全速前進。

愛情:

呢個月充滿力量

充滿正能量

充滿動力

步伐比較慢嘅人會令你頂唔順

如果另一半追唔上你嘅步伐

你會有啲嫌棄

甚至乎想有得佢落後

呢個月因為狀態大勇

反而唔係好想理會身邊嘅人

似乎多啲獨處嘅時間比較好。

如果有另一半嘅話就要俾對方知道

呢個月你需要多啲私人空間。

事業:

完全唔需要擔心你嘅事業發展

諗到嘅嘢就可以去做

當你將想像變成行動力

適當嘅人選亦都會出嚟幫你

志同道合又或者係你睇得起嘅人

呢個時候就可以一齊做啲嘢

適宜發展一啲長線計劃

適宜做一啲實在嘅工作

唔適宜做投機性嘅嘢

唔適宜做只係靠運氣嘅嘢。

山羊座

整體:

係時候停一停諗一諗

愛情:

嚟到年尾,你最好就係諗吓

過去呢一年你嘅感情生活如何?

你嘅社交生活如何?

有冇邊啲位置做得唔夠好?

有冇邊啲人你錯過咗?

有冇邊啲事太過放唔低?

今個月你必須檢視自己過去做過嘅嘢

睇吓有冇改善嘅位置

又或者睇吓有冇需要轉一個新方式

有另一半都一樣,

諗吓有冇新嘅相處方法

令關係改善,因為對方似乎有少少投訴。

事業:

其實沒有懷才不遇嘅人

只有有才華但係冇人知嘅人

唔好再守株待兔等待機會出現

衝破自己心理關口

讓更多人去認識你

知道你做緊乜嘢

喺公司裏面盡量展現自己

如果唔作出呢啲改變

可能事業上就難有改變了。

水瓶座

整體:

性格好就會被留意

愛情:

今個月多愁善感

不過唔係被討厭嗰隻

其他人會有想保護你或者開解你嘅感覺

如果想放負嘅話唔好去得咁盡

反而注重喺同對方嘅交流

對話唔好全程都放負

天馬行空嘅想像令對方覺得吸引同有趣。

唔識得欣賞嘅話

應該唔係你要搵嘅人。

事業:

今個月好怕自己做錯野

萬一真係做錯自責亦比較嚴重

自己令自己無法繼續向前

自我懷疑同唔肯定自己嘅能力。

工作上有啲嘢過咗就過咗

盡量留意吓自己以外嘅環境同埋人

唔好淨係將專注力放喺一點身上

因為可以影響你事業都有好多因素。

今個月事業未必有大進展

反而建議你做事小心

盡量減少出錯已經賺了。

雙魚座

整體:

信自己好過信人

愛情:

今個月喜歡小組活動

當陌生人嘅地方你會冇興趣

所以認識新朋友嘅機會都比較低

不過冇所謂

因為今個月應該重質不重量

一啲唔係太friend嘅朋友都無謂見了

把時間留俾值得的人和自己。

如果有另一半

就應該多啲二人世界

諗一啲特別節目大家一齊進行,

令感情變得深厚。

事業:

最清楚你自己就係你

有啲事你想唔想做你自己最清楚~

想唔想辭職?

想唔想升職加薪?

想唔想創業?

其他人比你嘅意見似乎都冇乜用,

因為佢哋唔知道你心裏面真正嘅諗法,

你亦都冇特登俾人知。

唔好聽太多人嘅意見擾亂自己

因為佢哋每個都出於善意

所以你會唔好意思唔聽。

塔羅占卜/開阿卡西紀錄

Whatsapp 9768-5388

魔女伊維特 每月星座運程🧡🖤🧡 2020 NOVEMBER

每月星座運程

2020 Nov

十一月。

可以放慢腳步,準備新嘅一年。

睇吓今期星座啦~Let’s Go!

白羊座

整體:

胸有成竹。

戀愛:

呢個月你充滿自信,

以為好好表現咗自己,

但係其實你以為人哋想要嗰啲嘢,

並非人哋想要嗰啲嘢。

譬如你以為你另一半希望你善解人意,

其實可能佢想你講嘢直接啲。

雖然今個月有自信,

但係同對方缺乏溝通,

所以會捉錯用神。

如果單身嘅話就唔好猜想人哋想要啲乜,

做返最原裝正版嘅自己

就會吸引到適合嘅人過嚟。

事業:

如果打算有新計劃可以開始動手,

如果打算創業,建議自己一個做,

如果已經有partner,

你要留意自己要有話事權,

一定要感覺到自己嘅力量同存在感。

呢個月只要你有足夠嘅信心,

對自己工作表現肯定,

身邊嘅人就會睇到。

仲有就係今個月你俾人嘅意見都十分有用,

如果有時間嘅話可以幫助吓身邊嘅朋友,

不過只限於俾意見,

並非借錢或者落手幫佢做埋。

金牛座

整體:

繼續努力,就快見到成果。

愛情:

今個月嘅愛情係種瓜得瓜, 種豆得豆。

你擺幾多時間落去展現自己,

同人溝通互動,

出外社交等等,

就會得到相等或者更高價值嘅嘢返嚟。

所以,建議今個月外在同內在都好好維持係最佳狀態,因為如果你Hea嘅話,

得到嘅回報都係Hea。

事業:

今個月你仍然要下一啲苦功,

OT就OT啦,

你嘅努力未必會得到讚賞,

但係宇宙已經接收到,

所以你都係會得到應有嘅回報。

如果投資嘅話,

建議唔好玩啲又快又貪心嘅嘢,

開始一項長線投資亦都係好嘅決定,

穩穩陣陣嗰啲。

雙子座

整體:

點解我咁黑仔?

愛情:

今個月最多胡思亂想,

本來冇乜嘢都俾你幻想到好差,

對方一個小動作,

你就幻想咗好多負面嘅嘢出嚟。

今個月特別敏感,

經常將自己嘅感覺建基於人哋對你嘅態度,

原本可以開心自在嘅你,

不斷俾身邊嘅環境影響。

建議唔好咁在意身邊嘅一切,

因為其實大家眼中嘅你都好美好,

但係今個月你自己會睇自己唔順眼。

事業:

擔心自己地位不保,

或者唔肯定自己係公司嘅地位,

其實我見你又幾穩陣,

根本就唔使擔心咁多。

今個月適合做一啲靜態啲嘅工作,

對人嘅時候小心講多錯多,

因為今個月缺乏自信,

如果想得到客戶嘅信心,

見面或者講電話時,

請留意自己嘅表現,

唔好俾對方感覺到你缺乏自信。

巨蟹座

整體:

家庭生活

愛情:

今個月好追求齊齊整整嘅感覺,

喜愛群體活動,

嚮往家庭溫暖。

如果有另一半,不妨多啲留喺屋企活動,

或者見吓大家嘅家人,

感受吓家庭溫暖。

如果係單身嘅話,

適宜多啲去群體活動,

就算冇新朋友喺裏面,

呢種快樂嘅感覺都會令你變得吸引人。

事業:

今個月你有好多嘢想做,

所以時間管理係最緊要嘅,

千祈唔好俾自己有趕急嘅感覺,

就算有好多嘢要做都係輕鬆咁樣去做。

如果想學嘢,或者發展新項目嘅話,

似乎今個月已經滿額,

好好享受同經歷你手頭上做緊嘅嘢先啦,

成世人流流長,總有機會玩其他嘢嘅。

如果時間管理唔好,

你嘅錢亦會變得鬆散。

獅子座

整體:

Spiritual

愛情:

呢個月心靈溝通最重要,

你會特別喜歡嗰啲同你傾到計嘅人,

唔係淨係吃喝玩樂,

亦都唔係淨係外貌協會,

呢個月你發現內涵好重要,

亦都係你係一個人身上最嚮往嘅部份。

簡單來講,如果你覺得對方好蠢嘅話,

就算佢幾靚都冇用。

嘗試搵一個能夠同你一齊成長嘅人吧。

其實傾一兩次計就會知道,

所以溝通唔到嘅人就唔好再嘥時間。

事業:

呢個月應該着重喺理財,

講真未必會搵到大錢,

但係係時候review一吓自己理財嘅習慣,

希望可以儲到咁多錢~

如果要攞一筆錢出嚟投資嘅話,

今個月未必係時候,

睇定啲先。

處女座

整體:

今個月得到大家嘅愛

愛情:

今個月會接收大量人哋俾你嘅愛,

不過我見到嘅係家庭或者朋友比較多,

如果家庭裏面有老公老婆

就當然係關愛情事啦,

但係如果單身嘅話,

似乎未咁快會有人出嚟比浪漫嘅愛你。

唔緊要,只要你願意及習慣接收,

愛你嘅人就會搵機會出現。

所以你未必要做好多出去識人嘅活動,

但係反而你要同親人或者朋友多啲互動,

學習交換愛同關注。

事業:

唔好一個人做晒啲嘢,

亦都唔好將自己嘅秘密講晒比人聽,

同同事嘅相處要小心,

返工嘅時候盡量將私人嘢放埋一邊,

熱愛你嘅工作,

同同事好好互動,

平穩咁樣過到呢個月。

如果有嘢想爭取嘅話,

過埋今個月先出聲會好啲。

天枰座

整體:

最緊要聰明

愛情:

呢個月嘅人際關係或者愛情,

重質不中量。

大部份嘅時間可以留返比自己,

不過記住要俾身邊嘅人知道

你對佢哋嘅關注同重視。

呢個原理亦都比較顯眼,

所以你嘅一句|都會有人睇到,

如果身邊有心儀對象嘅話

就要好好留意自己嘅言行,

甚至係你post啲乜上social media喇~

事業:

今個月可以做少少賺多多,

就算唔係賺得真金白銀,

亦都可以賺取時間或者認同。

呢個月你辦事能力好高,

亦都料事如神,有洞察力,

所以事業上面得心應手,

能夠做出一啲幾好嘅決定。

天蠍座

整體:

繼續成功嘅樣子喎。

愛情:

呢個月你開心自在,

你嘅正能量令大家都俾你吸引住,

但係你會忽略咗其他人嘅存在,

雖然自己過得好開心,

但係卻忘記咗同人互動,

有時對方會懷疑你係唔係對自己冇興趣。

如果有目標人物嘅話,

就記住要問吓一啲關於「你」嘅問題,

而唔係講每一樣野都關於你自己。

事業:

呢個月全部人都望住你,

大家都羨慕你,

就算你自己唔覺得自己咁成功,

但係大家都睇到你嘅好處。

呢個月會散發一種令人想同你合作嘅氣場,

好想同你成為朋友,

好想同你成為同事,

所以你要嚴格咁樣選擇身邊嘅人,

千祈唔好來者不拒,

個個搵你傾啲嘢你又傾。

記住事業最終benefit嘅人要係你自己。

射手座

整體:

要有節制。

愛情:

今個月你實在冇乜心情去講愛情,

你有好多日常事務要處理,

自己嘅事同埋交際嘅事你會瞓得好清,

你希望九成時間都處理自己嘅事,

其實咁樣絕對冇問題,

只要心裏面感覺平衡就可以了。

講真呢個月你身邊嘅人都會識做,

未必會打擾你,

但係如果你想有戀愛嘅話,

咁你就要作出適當嘅時間起身啦,

你唔可以只係用10%嘅時間去交際,

但係又無啦啦識到大量新朋友㗎。

事業:

今個月記住收入一定要大過支出,

俾自己嘅時間一定要大過俾公司嘅時間,

總之今個月要自私啲,

月尾總結嘅時候要成為大贏家。

你有時對數字唔係太敏感,

可能做完一輪苦工之後,

收入同付出都唔成正比,

所以記住一定要計好呢兩條數。

如果你想開一個新嘅生意,

請先計好呢個生意會唔會攞走

你所有時間同資金。

山羊座

整體:

終於都會輪到你嘅

愛情:

講真,單身嘅你,

愛情應該仲未嚟。

適合嘅人仲未出現,

正面啲講,佢行緊過嚟㗎喇,

不過你都要俾啲時間人哋行過嚟㗎。

你嘅對象會係好正常嘅地方出現,

可能係朋友嘅朋友,

又或者係工作環境等等。

如果已經有另一半嘅你,

千祈唔好將你哋嘅活動變成例行公事,

一旦進入咗呢個模式,

就好難攞返戀愛嘅感覺。

事業:

機會係留俾有準備嘅人,

所以你乖乖地準備吓先,

因為有好多人同你係差唔多嘅位置,

又或者係好多人都同你爭取緊差不多嘅嘢,

只有默默努力嘅人

先至會儲夠分數去得到成果。

唔需要太outstanding,

腳踏實地交足貨就會得到成果。

水瓶座

整體:

唔好搞對抗

愛情:

今個月要將正面發大,

負面野盡量避一避,

例如大家討論嘅時候如果有爭拗一個點開始,

就好容易會引發世界大戰。

相反地如果將大家嘅浪漫感覺伸延,

二人際關係就會進入下一個階段。

有諗過結婚嘅情侶,

不如今個月再攞呢個話題出嚟傾吓啦。

事業:

知彼知己百戰百勝,

認識對方最好嘅做法並唔係在旁觀察,

而係真正去認識佢地,

從佢哋身上學習。

所以今個月不妨同前輩聯絡吓,

同你覺得做得好嘅人聯絡吓。

今個月如果對身邊嘅人有任何不滿,

記住你自己亦有可能擁有呢啲特質,

上天就係俾一面鏡你睇,

幫助你喺事業裏面成為一個更好嘅人。

雙魚座

整體:

感覺混亂

愛情:

你覺得自己係一個唔理想嘅狀況,

因為呢個係一個冇選擇權嘅狀況,

你想離開呢個狀況,

但係又有少少好似認咗命咁。

其實所有人都有選擇權,

如果狀況同環境唔可以改變,

你就嘗試改變你自己,

或者直接行開,離開呢度。

事業:

你似乎睇唔到自己有好多可能性,

今個月有啲隨波逐流,

見到大家都係咁,

覺得自己都係差不多。

其實你識得做嘅嘢並唔係單一,

其實你可以搵錢嘅方法有好多,

如果你想搵多啲嘅話,

就要靠你自己去開創,

不過適宜慢慢嚟,

適宜投放喺一項可以做得完嘅項目,

並唔係用嚟賺快錢嘅項目。

記住,你唔想做嘅嘢應該冇人逼到你做。

魔女伊維特 每月星座運程🧡🖤🧡 2020 OCTOBER

十月。似乎大家今個月都平衡少少,

生活冇咁crazy了。

睇吓今期星座啦~Let’s Go!

白羊座

整體:

今個月其他人好難明白你喎。

戀愛:

今個月實在諗太多野,

思想唔算混亂,

不過只怪在你越諗越深,

越諗越遠,

有時已經諗到離開咗原本嘅主題。

身邊嘅人都嘗試進入你嘅世界,

不過跟唔上進度。

你就好似一間凌亂嘅房間,

只有你自己知道啲嘢擺喺邊。

想同身邊嘅人好好建立關係,

可以將談話內容變得簡單,

最近唔係好適宜討論甚至辯論,

好難會得到好氣氛。

事業:

你知道係時候要作出一啲改變,

心裏面有個想改變嘅感覺,

但係你講唔出你自己想點,

所以會有一點迷惘嘅感覺。

其實而家你嘅狀況冇任何急切性去作出改變,

你適合逗留喺一份穩陣嘅工作,

能夠俾時間同自由度你去思考,

似乎出年會比較適合你作出重大嘅改變。

到達right timing嘅時候你就自然會知自己想做乜。

金牛座

整體:

需要私人空間。

愛情:

呢個月會對獨處時間有啲渴求,

如果係戀愛中嘅人,

記得一定要有返一啲私人時間。

唔係要喺私人時間裏面完成100樣工作

而係需要一啲能夠放鬆,

同自己好好相處嘅時間。

係唔係單身都好,

似乎今個月自己比其他人重要,

而這是正常的,不是自私。

事業:

因為今個月懶得同人溝通,

可能會錯失一啲機會,

因為從活動當中會產生一啲新嘅機會同火花,

建議單獨行動嘅時候將所有計劃先思考好,

然後跟同事或者客人互動嘅時候

就可以有一個充實嘅對話,

從中得到最多嘅好處。

雙子座

整體:

呢個月要求十分之高。

愛情:

你對另一半嘅要求特別高,

如果係單身嘅話,

你會好難睇得起一個人,

包括你朋友嘅男朋友或者女朋友

你都會睇到好多缺點。

唔係你唔想戀愛,

而係你完全搵唔到一個對手去投入,

如果你正在戀愛中,

今個月好容易睇唔順眼對方做嘅所有嘢,

建議你都係冷靜處理,

因為發生同一件事,

喺下個月可能你已經唔嬲或者唔會嫌棄。

事業:

呢個月事業運不錯,因為你目標明確,

堅定地向着目標前進,

所以事情應該會喺你預計之內發生。

除非你被身邊嘅人影響倒,

如果唔係應該幾順利。

巨蟹座

整體:

點解咁負面啊諗嘢?

愛情:

呢個月仍然好感性,

仍然好敏感,

對方一個emoji你就幻想咗好多嘢出嚟,

而且多數都係負面嘅嘢。

如果本身有少少自卑

你就會諗到所有嘢都好差。

你要記住你今個月帶咗一副眼鏡,

遮住咗自己,望唔到自己嘅優點。

有冇另一半都好,

需要有返啲自信先至有運行。

而且你今個月嘅行動性好低,

如果想有任何進展似乎唔係一個良好嘅狀態。

事業:

今個月有啲懶,

工作嘅事唔係好想理會,

其實冇乜問題,

不過最緊要唔好俾人睇知道

我指同事老闆同埋客人等等。

懶都要懶得聰明,

如果唔係就算冇做錯嘢

都會影響你嘅聲譽㗎喇。

獅子座

整體:

好想大家聽你話,但係佢地未必聽

愛情:

戀愛中容易出現爭執,

多數都係因為大家都想自己拗贏,

而你多數係強勢嘅一個,

對方有時冇繼續討論,

唔代表佢個心已經冇嘢。

呢幾個星期唔建議太多伸延性嘅討論,

多啲一齊have fun會比較好。

單身嘅人就快啲搵人同你have fun啦。

事業:

今個月辦事能力高,

公司知道唔可以冇咗你,

如果你有下屬嘅話記住要對人哋好啲,

唔好成日覺得人哋蠢,

需要比時間人哋成長,

遲啲先至可以有你咁醒㗎嘛~

處女座

整體:

繼續心情靚,今個月有動力~

愛情:

呢個月你實在太吸引,

真係吸引異性同性嗰隻吸引,

令人嚮往同埋心心眼嗰隻吸引。

所以唔好自我關閉,

就算喺網上都可以活躍一啲。

如果有另一半嘅話,

佢呢個月見到你嘅可愛之處,

所以應該爭取時間多啲互動同見面。

事業:

今個月好靈活好醒目,

好多idea,適宜為自己做長遠嘅打算,

又或者係做一啲創作嘅工作。

不過因為你呢個月好熱心,

所以千祈唔好將所有時間用咗嚟幫其他人諗嘢。

天枰座

整體:

今個月認真看人生

愛情:

呢個月尾開始諗將來,

未來嘅日子究竟會點,

想唔想自己一個?

或者想唔想同身邊嘅人進一步。

呢個月當你想認真嘅時候,

如果你嘅另一半唔認真,

你就會感覺大家好唔同步,

覺得好失望。

希望你能夠搵到一個同你同步嘅人。

事業:

可能會有一個新開始,

可能會有突如其來嘅事發生,

但係你要記住,

全部嘢都只會發生喺一個最適合嘅時間,

你只要繼續勇敢向前行就可以了。

老土啲都要講,明天會更好。

唔係鼓勵嘅說話,係塔羅嘅預測。

天蠍座

整體:

充滿力量,成功。

愛情:

呢個月你有一種吸引力,

令人想倚靠你,你也因此感到存在感,

小心坐正咗喺呢個角色,

尤其是如果未同對方一齊嘅話,

小心做咗兵,

不停為對方解決問題,

做咗好多同浪漫無關嘅事。

事業:

有冇諗過創業,

又或者做領導嘅角色?

今個月你就有呢個力量,

如果想做就積極做,

有任何想向前嘅動作都可以做喇。

如果要同其他人合作,

或者你仲係小薯仔嘅話,

講嘢要小心,唔好太鋒芒畢露。

射手座

整體:

需要整理舊事才可以向前行。

愛情:

今個月唔係好ready去接受人哋對你嘅好,

就算身邊有好愛你嘅人,

你都未必可以接受佢哋嘅愛。

唔係因為你完全冇感覺,

只係你有啲舊記憶飄左出嚟未清理好。

處理舊記憶有好多方法,

不過唔係要忘記,而係要接受佢嘅存在,

不過唔好俾佢影響今日嘅你嘅情緒。

事業:

今個月其實狀態唔錯,

不過須在不停懷疑自己,

搞到有時拖慢左行動或者決定,

不如試吓大膽少少相信自己,

因為你身邊嘅人都欣賞你,

其實大家都睇到你嘅強項㗎。

山羊座

整體:

心事重重,心散心散

愛情:

呢個月唔知自己想點,

行動性又低,

又唔係好恨戀愛

不如今個月少啲應酬,

費事越見多人心裡越混亂。

事業:

呢個月嘅你實在係懶洋洋,

好適合去旅行嘅月份,

可惜可惜。

留返啲精力享受人生啦,

如果做急趕嘅工作你小心會出錯,

對住強勢嘅人就自己楊一樣路,

因為你而家嘅氣場唔會夠佢鬥。

水瓶座

整體:

青春能量,充滿活力

愛情:

你想點做就點做,

絕對不可以守株待兔,

因為今個月必須由你採取行動。

今個月你心想事成嘅能量幾大,

所以你一定要把握時機,

做多啲俾人睇得見你嘅嘢先至會吸引到新戀情嘅誕生。

事業:

今個月終於有人發現你嘅好處啦,

之前未必見到你,可能你係實幹型,

可能你係初來步到,

總之今個月你就會自動地發揮光芒。

不妨多啲同上級又或者前輩溝通,

佢哋會覺得你十分之勤奮同埋上進。

如果同人合作嘅話,小心你會做埋人哋嗰份。

遇着懶人嘅話,你就要坐上去分派工作嘅位置,話俾佢聽佢要做啲乜。

雙魚座

整體:

細心慢慢做,成果在將來

愛情:

今個月你嘅溫暖同埋溫柔

身邊嘅人都能夠感覺到

好似粉晶咁,大家都想親近你。

不過講真你今個月好似想有啲me time多過想同人交際。如果真係有對任何人有興趣,

至少都要俾人知道你想進一步,

不過最近有啲忙之嘛~

唔好因為又想自己一個宅在家而錯失良好機會呀。

事業:

今個月好適宜學習,

或者至少睇一啲有意義,或者有嘢學嘅影片,

因為如果攞咗今個月嘅能量去煲劇嘅話,

好似有啲浪費。

喺工作方面,經驗都好重要

所以盡量放膽去試落手做多啲,

你要爭取嘅係經驗,而唔係表現

當你學習左,穩定咗,先至再去諗表現啦。

魔女伊維特 每月星座運程🧡🖤🧡 2020 SEPTEMBER

每月星座運程

2020 SEPTEMBER

九月,好混亂!

好多令人分心的事,好多選擇。

點先可以作出最適合嘅選擇呢?

睇吓今期星座啦~Let’s Go!

白羊座

整體:

優勢在你這邊。

戀愛:

不要看小自己,

這個月其實主導的人是你。

無論你認識了一個新朋友,

還是你已經在一段關係中,

總之你們是前進或後退,

暫時都是由你做決定。

不過,做決定不要太慢,

因為這個狀況只會維持一個月左右,

之後就未必是你話事㗎喇。

事業:

不要衝動,如果有老闆的話,

他很賞識你,也相信你,

他很welcome放手讓你做決定,

所以你要把握機會,

利用這個時間去表現自己。

_____________________________________________________________________________________________

金牛座

整體:

情緒不好,不滿,不安。

愛情:

對愛情沒有信心,

覺得人性難明又複雜,

有種絕望或心痛的感覺。

建議看看愛情美好的一面,

先對這件事重拾信心,

然後才去發展一段新機會,

或者跟另一半改善關係。

事業:

這個月覺得自己付出跟收入不成正比,

覺得不滿,不公平,

但你選擇啞忍。

改變不了狀況就改變自己心態,

很快就會有署光出現。

_____________________________________________________________________________________________

雙子座

整體:

你竟然拒絕社交?

愛情:

這個月沒有看上任何人,

對這件事提不起勁最,

直情不想出街。

其實多些留在家跟自己相處,

全心全意愛自己先,然後你便會遇到對的人,

或者更懂得愛你身邊那個人。

事業:

過份執著自己的想法,

但未必每個人都明白或認同,

建議所有事輕鬆面對就好了,

尤其是不關你事的事

例如:別人的生意,不是你的生意。

_____________________________________________________________________________________________

巨蟹座

整體:

有點難相處喎~

愛情:

這個月你比較敏感,

很容易有情緒,很在意別人對你的意見,

害怕對方不滿,充滿負面的幻想,

危機感重重。

對自己有些信心吧,

盡量表現真正的樣子,

不要顧慮太多了!

其實你在別人眼中很可愛,

只有你一個人不覺得如此。

事業:

看似風平浪靜,

其實身邊充滿機會呀!

不要太內向,周圍打探,

social少少對你有幫助。

貴人/機會/靈感就在身邊,

不要死守一個位置。

_____________________________________________________________________________________________

獅子座

整體:

眼光闊大一點

愛情:

小心三角戀,

留意心儀對象有沒有其他目標。

開心事容易令你沖昏頭腦,

分不到對錯。

總之,發展不要太快,

暗戀也好,已經是一對也好,

慢慢來,多些心靈了解比較穩陣。

事業:

做事積極,可是有時太心急,

容易犯careless mistake,

身邊的人都幫不了你,

自己看緊一點,

記得飯check再返check,

尤其是不可以出錯的文件。

____________________________________________________________________________________________

處女座

整體:

心情靚,懶洋洋是OK的。

愛情:

這個月不要太忙碌,

約會不要全部都去,嚴選吧。

你的時間十分寶貴,

不要花時間跟無謂人聯繫,

情願自己休息養生。

別人對你很嚮往,你不用刻意做什麼,

就讓他們在自己的時間想念你。

事業:

適合做organize,領導,教育,給方向等等工作。

都是那一句,不要太忙碌,因為你會很不願意。

這個月適合用腦,理性思維,解決問題等等。

_____________________________________________________________________________________________

天枰座

整體:

對前路感到迷惘

愛情:

在情感世界裡覺得自己一個也不錯,

會有看不起,嫌棄別人的想法,

比較看到他們的缺點。

其實別人是你的一面鏡子,

你也會有其他人不欣賞的地方。

建議溝通,觀察,不要太早把門關起來。

事業:

短期沒有問題,

但如果問你對前景有什麼看法,

你會感到迷惘。

這個月你想強裝你很OK,

知道自己想怎樣,

其實自己對未來沒有信心。

建議找一些能給你安全感的人相處,

或者運用一些令你感覺安穩的晶石。

_____________________________________________________________________________________________

天蠍座

整體:

好奇,嚮往,想行動。

愛情:

雖然你對愛情充滿期待,

可是沒有給人容易接近的感覺。

你多數時間都是自己在空想,

現實世界裡覺沒有事發生過。

建議對見面,

單身的人就多出現在其他人面前。

你不主動出現的話,

大家不會知道有你的存在。

事業:

如果想轉方向的話,要有周長的計畫,

不可以衝動,觀察,research的時間要比較耐,

總好過中途有問題才沒事找資料。

說話要謙卑一點,友善一點,

因為這個月你比較容易得罪人~

凡事諗清楚先講。

_____________________________________________________________________________________________

射手座

整體:

靜觀其變!你有權力控制局面。

愛情:

有很多都對妳有興趣,

但你不要花太多時間在一個人身上。

你需要多些朋友,

就即管跟每個人也來一點點相處時間,

你很快就會figure out那個人值得你花時間。

事業:

不要花太多時間親力親為,

這個月你適合做指揮,獻計,聯繫等等。

如果你發現自己勁ot,

你要知道過份工作對你沒有著數,

聰明地善用時間吧,

不是多勞多得的月份。

_____________________________________________________________________________________________

山羊座

整體:

請你向世界出發,你是個有用的人。

愛情:

這個月你會被需要,如果你有對象,

好好利用這股魅力吧。

可是,不要讓能力量吸血鬼纏著你,

包括你的朋友。

多多照顧你喜歡的人,

對其他人就不要有求必應了。

事業:

你的細心和工作態度大家也有目共睹的。

可以盡量幫助身邊的人,

現在不是個人表現與領功的時候,

因為大家需要團結。

找工作中的人,

請想想自己有什麼技能可以幫助一間公司,

能夠在行業中有什麼貢獻。

_____________________________________________________________________________________________

水瓶座

整體:

反應比較慢的

愛情:

你用心研究戀愛,但最終沒有定案,

因為你想太多,想太慢。

十分被動,單身的你守株待兔,

等不到太多事發生,

浪費太多時間。

想什麼事發生就採取什麼行動吧~

事業:

看似平平無奇的一個月,

你心裡其實覺得很難挨,

因為你有很多不喜歡的事都啞忍了。

沒有人知道你的不滿,

所以沒有人可以幫你。

ask for help啦,你人緣不差,

會有人願意打救你的。

_____________________________________________________________________________________________

雙魚座

整體:

越戰越勇

愛情:

衝動,疑心大,小心做出後悔的行為,

例如「分手」。

不要給對方太大壓力,

單身的你也不要給自己太大壓力,

單身絕對沒問題,不要心急。

這個月「溫柔」特別重要。

事業:

你覺得普通或簡單的工作,

別人卻覺得是你的優點。

不要看小自己,

你的工作已經成為你的專業,

嘗試享受工作,

讓自己發光。

(應該有人看到你的光芒)

魔女伊維特 每月星座運程🧡🖤🧡 2020 AUGUST

八月,由暴風雨開始,

大家頂得住嘅!

所有答案就在你自己裡面。

Let’s Go!

白羊座

整體:

急速變化中,跟着氣流走動。

戀愛:

單身嘅朋友,似乎社交雲比戀愛運強勁,反正所有戀愛都有朋友開始,算是不錯吧。盡量多些與人連結(記住保持社交距離,自己諗辦法喇),上網識人那些單對單的活動反而沒有用。

已經有另一半的朋友,不要因為生活忙碌,又或者因為感情穩定而過分安心,不是會有什麼負面事情發生,只是怕你忽略了另一半。

事業:

不變應萬變,公司,生意,人事上或許會有變動,但你只要保持彈性,跟着變動中的大方向走動,你還是會stay on the right track。就算是你自己想作出改動,例如轉工等等,也是好時機,只要不慌不忙便可以了。

金牛座

整體:

你要幫助大家在變動中安安心心

愛情:

金牛這個月行動性很高,

如果心儀對象或者另一半

沒有跟你心裏的方向去做,

你就會變得很心急,

很想以行動來推動關係。

一定要看情況,如果你比對方更加急進,

小心弄巧反拙。

事業:

這個月不妨踏出第一步,

在腦內的計劃可以進行了,

如果你在一個團隊中,

你可以令整個團隊更有力量,

甚至乎令到大家向正確的方向出發。

如果你是公司裏的小說,

不妨找些機會謙虛地提出建議,

讓上司發現你的才能,

知道你原來有些不錯的想法。

還有今個月不要亂花錢,

因為你勁想花錢。

雙子座

整體:

這個月的焦點都落在你身上。

愛情:

這個月的雙子們十分耀眼,

好好享受大家的關注和愛,

趁這個時候好好表現自己,

你的一舉一動大家也在看着,

可是他們都不會批判你,

多數都是深深眼。

所以在心儀對象面前記得不要太怕醜。

事業:

沒有什麼特別的一個月,

不過容易對工作失去熱情,

有「不知道返工為了什麼」的感覺。

其實這樣也對事業沒有大影響,

不過不要讓這感覺變成負面情緒。

專注在自己的生活上啦~

巨蟹座

整體:

很想滿足所有人,苦了自己

愛情:

這個月你是充滿魅力的,

你是被需要的,

無論是你的愛還是你的關注,

總之浪漫與否的人也被吸引過來了。

請你不要盡量滿足每一個人,

尤其是如果你想發展一場戀愛的話,

因為你的時間有限啊!

事業:

你的角色十分重要,是其他人的支援,

你只要每人幫一下便夠了,

不要把全部工作都放在自己身上。

你的付出是有目共睹的,

你的重要性大家也清楚,

記住勤力之餘也要善待自己,

因為講真這個月你幫人多,

能夠幫你的人卻沒有幾個(cry)

獅子座

整體:

面對自己的情緒

愛情:

這個月你會很想思考,

很想探究自己的狀況,或是關係的現況。

你潛意識內的信號在呼喚你,

你有一些不能再逃避的想法/情緒,

好好面對,清空,潔淨

你才能讓自己好好運作,

好好去跟自己或別人談一場戀愛。

事業:

對前路感到迷惘,不緊要,

你有的是時間,

你需要思考,不用急著做決定,

反正你都未ready。

聽自己內心的聲音好過去問人,

太多建議會把自己打亂。

處女座

整體:

一切順利,身邊的人也受惠

愛情:

這個月可以很active,

但會給人一種:

「她很忙,未必看到我」的感覺。

如果你有心儀對象,

麻煩不要怕醜,不要扮不在乎,

要讓對方知道「我在看著你」

你露面比較著數,

就算不出街也不妨post多幾張相。

事業:

感覺上很忙,但辛勞了一天之後

也不知道自己做過什麼。

可能在公司做了一天的瑣碎事,

沒有什麼意義的事,

總之這個月就是事倍功半。

如果我是你,我不會multi task。

用正常的節奏把工作逐一完成,

千祈不要貪快走捷徑,

不專心也會容易犯錯。

天枰座

整體:

運氣在前面,等多陣先

愛情:

單身朋友,想戀愛就不要停止認識新朋友,

你的新機會就在不遠處,

還未遇到,可是接近了。

有另一半的人,

你們可以計畫一下下個階段想怎樣走了~

應該時間不會為你們停留,

機會是留給有準備的人。

事業:

想轉工?等多陣,就到你。

想轉行?一定要是一個上升,

職位或人工要比以前好才好轉。

這是一個耐性的考驗,

把心定下來,

繼續努力多一點時間再算吧。

天蠍座

整體:

有點小運氣,小聰明

愛情:

這個月你很討人歡喜,容易令人愛上你,

如果對方是容易愛上人的人,

你千萬不要立即全程投入,

適宜用多點時間相處和觀察,

不要做出後悔的事。

有另一半的你,

這個月可以享受一下被照顧,

因為他對你有一種「那你沒辦法」的感覺。

這個月比較願意聽你的話。

事業:

這個月你充滿自信,

很多天馬行空古靈精怪的想法,

你的確充滿創意,

可是有些太不切實際,

不是每一個想法也能夠實現出來的。

最好多些與人溝通,

讓比較實際的人跟你取個平衡。

射手座

整體:

享受人生,進入豐收期。

愛情:

戀愛方面急也急不來,

不是每一個人也會愛上你,

可是懂得欣賞你的人大有人在,

他們也能看出你特別之處,被你迷倒。

有另一半的你,

請抽多些時間出來溝通,

說說心底話,這個月適宜話題go deep

事業:

這個月不要匆匆忙忙,

做好最重要的份內事便夠了。

這個月適宜為長線計劃,

研究一下怎樣理財。

山羊座

整體:

是危險還是機會,自己去控制。

愛情:

你從來都很容易跟人意見不合,

只是你性格沉實,習慣沒有表露出來罷了。

可是這個月你會忍不住想發聲,

尤其是聽到跟你心裡相反的意見時

這個月你的嘴巴會忍不住發聲。

究竟這是有營養的對話,

能夠表現你智慧的對話,

還是鬧一場交?

完全由你去控制。

(變成鬧交比較容易,自己留意返)

事業:

似乎你有機會上位了,

競爭對手不多,

可是不要輕視別人的能力。

要對自己的實力有信心,

要努力展現你的能力,

不要奢望別人自己去發掘,

因為分分鐘你身邊也有個耀眼的人。

水瓶座

整體:

玩你就叻~

愛情:

這個月不能太認真喎,

你都沒有心情去傾正經事,

甚至想逃避。你要讓對方知道,

最近你只想活在當下,

暫時不要掀起太多壓力的話題。

待你們開心相處後,

其實關係也同時鞏固,

到時就可以談一些更認真的話題了。

事業:

這個月一定要work life balance

如果你一旦失平衡的話,

工作上容易出錯,

日常生活也會感到不滿足,

會開始想逃避返工,

結果每朝醒來都不快樂。

所以這個月你大條道理給自己足夠的娛樂~

雙魚座

整體:

有大將之風,準備接受挑戰

愛情:

這個月看似很獨立,強悍,

令對方誤以為你沒有情感的需要。

如果你是單身的話,不論男女,

請你記住表現你的溫柔,

表現你的細心,show love to others才會有機會。

事業:

這個月上天給你很大的能量,

請確認你自己是充滿自信,

充滿勇氣,

前路可能會有新挑戰,

你一定要積極面對。

縱使有戰友,這個挑戰還是屬於你一人的。

經過這次挑戰你便能進發到下一階段。

如果你想轉新工,新行業,甚至自己創業,

記住一開頭永遠是最麻煩的,

開了頭之後便會容易走下去了~

加油!

魔女伊維特 每月星座運程🧡🖤🧡 2020 JULY

七月,所有古靈精怪陸續現形

不用怕,不現出來根本對付不到

所以看似恐怖,但其實機會來了

當然自己也要事事小心啦~

祝大家一切順利

Let’s Go!

❤️白羊座

整體:

悲觀,思想負面但運氣不錯的一個月~

戀愛:

單身的朋友,其實你的吸引力正高企,

在人群中也突出,可能已經有人留意你,

但你完全不知道。

你的戀愛運很高呀,

要認識新朋友容易認識到好人,

不過你自己有一股悲觀的力量阻礙著。

建議你相信自己,

不要總是覺得別人會覺得你不好~

有另一半的朋友也一樣,

相信他/她對你的愛,

相信你們的關係吧。

事業:

最近比較多想法,

如果將想像力變成行動,

可以創業或做創作等等,

從事藝術也十分適合。

如果想轉工的話,可以再認真考慮,

不要因為感性原因或一時衝動而轉,

應該盡量理性地列出實際原因。

🤎金牛座

整體:

有貴人相助,運氣提升!

愛情:

最近沒有一見鍾情,

一定要又友情開始,

最好就是相似價值觀的人,

感覺對未來理念不太遠的人。

如果另一半跟你意向大不同的話,

你們應該好好談未來,

嘗試有個共識,

要不是的話很難走下去唷~

事業:

不要一個人把所有工作背上身,

好好分工合作,

利用每個人的長處,

對結果一定有好處。

所以應該先了解大家的強項是什麼,

然後分工。

可以創業,有partner也不錯,

不過不要太多合夥人。

如果很多人夾份那種生意不太適合,

會不開心收場。

🤍雙子座

整體:

好消息會來的,如果你有一顆平靜的心。

愛情:

你不會認識到很多人,如子不會很刺激,

不過你需要耐心等待,適合的人遲些就會出現,在你最不留意的時候就會fade in。

有另一半的朋友,

你們是時候做一些對未來的規劃,

你們需要建立一個比較實在的未來。

事業:

沒有什麼特別的一個月,

不過容易對工作失去熱情,

有「不知道返工為了什麼」的感覺。

其實這樣也對事業沒有大影響,

不過不要讓這感覺變成負面情緒。

專注在自己的生活上啦~

💙巨蟹座

整體:

你的角色重要,你的決定為大家帶來影響~

愛情:

如果你正需要做決定,不要好怕,

勇敢一點相信自己的直覺,

不要把大家困在困局內。

單身或戀愛中的朋友,如果你做自己,

不去嘗試取悅別人,反而會更吸引。

事業:

其實你的能力有目共睹,

你也應該有信心可以到更高的位置。

轉變是好事,轉變也會帶來人事的改動,

就讓一切移到一個新的位置吧~

❤️獅子座

整體:

靜觀其變,不用太多動作。

愛情:

很少叫人守株待兔,不過這個月你可以。

雖然如此,你也要一直觀察著,

而不是完全什麼都不理。你不用主動,

但也要留意局勢,

適當時機給對方機會對你好或前進。

事業:

適宜給意見,做指揮,做安排,

而不是自己落手落腳做所有事。

記得好好分工合作,

記住你這個月腦袋比手腳靈活。

見工的話給人印象不錯,表達能力很強,

給人有信心的感覺。

🤎處女座

整體:

世界需要你,請盡量幫助身邊的人

愛情:

講真,這個月容易被friend zone,

因為大家的互動雖然快樂,

可是欠缺浪漫的元素。

為了避免這個情況發生,

請你帶著戀愛的能力面對對方。

例如,如果戀愛中的你會打扮,

那你就花心機打扮吧。

如果戀愛中的你會變溫柔,

那你就表現得溫柔。

戀愛中的你,對方很需要你的聆聽,

你就做好這個角色吧~

事業:

是努力中的狀態,要保持堅定,

保持努力,終點未到的,

必須繼續努力。

方向是正確的,只需要繼續向前,

一點耐性與堅持就會成功。

想轉工的話,要加倍努力,

可以多方面發展,新嘗試是可以的。

🤍天枰座

整體:

被眷顧的一個月,順利,幸運

愛情:

這個月你充滿攝人的能力,

覺得迷惘或比較虛弱的人很容易被你吸引。

千萬不要成為被依賴的對象。

適合你的人,你覺得有智慧的人,

或者有才華的人,不過仰慕的人。

記住避免在感情中做負責帶領的一方。

事業:

可以放慢腳步,觀察好再出動,

前面會有一點改變,

是外在環境的改變,

所以只要你處變不驚,

靈活配合便能順利渡過。

教學,輔導,投資工作允強,

表現令人滿意。

不要害怕表達意見,

因為你的意見會為大家帶來好的改變。

💙天蠍座

整體:

不要看小自己的能力,其實大家都看到

愛情:

多社交活動,有認識新朋友的運氣,

可是未必有理想對象出現。

先好好建立人脈,

適合的人可能遲些會沿著這人脈而出現。

有另一半的朋友,

記住給足夠的關注對方,

不要被其他事把你的時間全都拿走。

事業:

一定要合作才能有好的成果,

你只需要做一件事其中的一部份就可以了。

投資金錢的話,不要多!

風險高的活動也不適合。

這個月穩步發展,

保持在一個良好水平,不要急進。

❤️射手座

整體:

懶洋洋的節奏,不慌不忙幾好吖

愛情:

就是不著急,沒有問題呀,

看心情,社交這回事不要勉強自己,

有心情就去,想待在家就待在家。

你的緣分不能逼出來,

你越想他來他就越難來。

有另一半的朋友,這個月不能承受壓力,

如果對方給你壓力,

你要讓他知道,

你需要一點私人空間和冷靜的時間。

你需要一些私人時間來保持狀態與平衡。

事業:

懶洋洋不代表偷懶呀!

只是你欲速則不達,

所以用自己的節奏來行事就可以了。

把每一個細節都做好,

會有不錯的回報,

預期中的結果會達到。

🤎山羊座

整體:

發現自己在轉變

愛情:

你對另一半的要求,

隨著你自己的成長和經驗,

在不斷的改變。

你發現你現在需要的,

跟你以前所需要的有所不同。

你要接受自己的成長,並接受改變。

如果另一半一直沒有進步,

那你就要想想,你想幫隊友一把,

還是各行各路了~。

二人要步伐接近不是容易的事,

給自己一個限期,

比沒完沒了的等他追上來好。

事業:

有明顯的進步,財運和工作上會有特破。

你現在想去的方向是對的,

只要專注,不要貪心便有回報。

避免同一時間發展太多項目,

應該有一個是重點項目。

不要同一時間開始太多樣工作,

要完成一樣才到下一樣。

multi task會容易遲錯,阻慢進度。

🤍水瓶座

整體:

你要保持情緒平靜,生活各個領域平衡

愛情:

必要讓愛情衝昏頭腦!

不需要一整天想著他,

因為這樣不會對事情有幫助。

不要太chur,會嚇怕對方的。

在感情世界中顯現比較獨立的一面,

反而會令對方覺得你非常吸引。

這個月煮食也會為你帶來分數㗎

(當然係要俾對方食啦)

事業:

在工作中不要加入小圈子,

做好跟每一個人或者組織都有良好關係,

你有能力把他們拉在一起和平共處,

所以你一定要做中間人。

如果一定要靠一邊就選擇公司那邊吧。

最近用錢比較多,

請用在有價值的東西上。

投資不太適合,暫時偏財運麻麻,

適宜努力踏實工作。

💙雙魚座

整體:

對未來開始有概念,是個好開始!

愛情:

獨立感覺強,不是太需要有一個人在身邊。

現在的你享受獨處的時間,

就算戀愛中的朋友也需要一些私人空間。

沒有心機聆聽別人的想法或生活事。

如果有另一半的朋友,

記得對方跟你分享時給一點反應。

單身的朋友,不要讓任何人令你心煩,

保持自在的感覺。

事業:

創業很好,不過需要計畫清楚,

不要衝動,也不要被人影響,

不可以揍捷徑。

在公司比較靜,穩定的一個月。

轉工都可以,

但不可以因為衝動或者生氣離開。

投資都可以,有眼光,

但只限風險低的項目,

別人的貼士也不要盲目相信。

魔女伊維特 每月星座運程🧡🖤🧡 2020 JUNE

六月,很多事情發生的一個月,

無論現實世界或是心裏面都十分忙碌。

先為自己做個心理準,

備然後一起好好面對挑戰。

看看這個月的運程先!

Let’s Go!

白羊座

整體:

上天給你的你又未必想要。

戀愛:

這個月雖然人緣運不錯,

想親近你和幫助你的人都不少,

不過就是你不感興趣的,就對你感興趣,

你感興趣的,又對你沒有興趣。

其實對你感興趣的人也不錯,

不要因為第一印象而放棄認識他們的機會,

成為情侶與否,這個要花些時間才會知道。

出現在你身邊的人都是值得去認識的。

事業:

這個月有貴人運,

但是可能會令你產生了依賴的性格,

有事相求不妨跟身邊的人請教,

但是自己也要採取行動,

不要袖手旁觀讓別人提你完成工作。

你的老闆又或者是你的客人

會知道你究竟有沒有落力,

這個分數對你來說也十分重要。

金牛座

整體:

逃避現實,不想做決定。

愛情:

如果你現在正處於兩難的狀況,

請你盡快作出選擇,然後採取行動。

如果身邊風平浪靜的話,

那你就應該選擇採取行動去認識更多人,

為自己帶來機會。

現在的你正在兩條路的分叉口,

一路不選擇或者採取行動,

感情路就會停滯不前,

而你只會埋怨沒有事情發生。

其實你就是有權力去令事情發生的人,

出去走走,交際一下吧。

事業:

事業方面會有一些新機會,

但是如果你沒有一點勇氣的話,

很容易就會錯過這些機會。

所有事情,尤其是如果你想開一門新的生意,或多或少也會有一點風險,

雖然你是穩陣的人,

但是也沒有100%安全的事唷~

勇敢一點,作出新嘗試吧!

會有意想不到的收穫。

雙子座

整體:

享受有事情發生的感覺。

愛情:

這個月你依然有吸引力(因為你上個月也很有吸引力)可是,

因為這個月很享受有事情發生的感覺,

所以也會引來一些煩惱,

引來一些令你抱怨的事,

其實一切也源於你心裡面覺得很悶,

很想有些事發生讓你心煩一下。

請記住,

一些複雜或者麻煩的關係一旦開始了,

想叫停就沒有這麼易,

所以幾悶也好,

也不要隨便開始一段關係。

事業:

這個月的事業看似一切正常,

但其實容易跟合作的人有心病,

問題來自大家沒有好好溝通,

原來大家在同一件事的想法都不同。

如果想避免這個情況,

請在每個工作程序之前交代清楚,

溝通好才採取行動。

如果正在尋找工作的人,

你會有一些面試機會,

請不要抱住一個嫌棄的心態來看這些工作或者公司,

他們雖然未必是你熟悉規模和樣子,

但是也有各個地方的可取之處,

希望你會找到一個能夠令你發揮的地方。

巨蟹座

整體:

實幹的一個月。

愛情:

這個月可能你會推到一個幕後的位置,

不太起眼,或許你會有很多正經事忙着,

所以也懶得去交際,

如果是這樣的話,這個月眨吓眼便會過去,

所以如果你想社交圈或者愛情方面

有一些事發生,

你必須放下一陣手頭上的工作,

放下一陣做瑜伽,打森林或是煲劇的時間,

來社交一下(打機時社交不算數)。

女生這個月可以化一些比較閃亮的眼妝,

或者用一點highlight在顴骨上,

令你更突出。

事業:

這個月你充滿行動力,

也能夠專注地投入地工作,

可是上司或者比較高層的人未必會看到,

就算他們接收到成果

也未必知道你艱辛的過程。

這個月你也會引來一些想投靠你的人,

或者想倚賴你的人,

他們覺得你會沒所謂,

所以今個月一定要強悍一些,

不要有求必應,

也應該跟上司甚至乎是老闆好好溝通,

讓他們知道你的工作進度或你的熱誠。

獅子座

整體:

運氣不錯的一個月。

愛情:

這個月你的心情不錯,

這種快樂的正能量為你增添了吸引力,

無論想跟你做朋友或者想深入了解你的人

也會主動向你移近。

除了你自己有吸引力之外,

這個月你也有可能會成為別人的月老,

所以如果覺得分別兩個朋友應該會夾得來的話,不妨介紹一下。

事業:

想轉工又或者有一些目標的人,

這個月會有明顯的好消息,

請你好好把握,

因為好消息來臨之後是要採取下一步的行動,要不是你便會浪費了這個運氣。

這個月身邊的人能夠給你一些有用的意見,

他們未必可以落手落腳幫你做一些事,

但他們給你的意見絕對可以參考。

處女座

整體:

好好珍惜知音人

愛情:

在共同活動或者興趣中會認識到新的朋友,

在現有的朋友群當中會得到更多的注視。

要好好留意自己發放什麼訊息出去,

因為這個月你比較受到注重,

所以要小心自己的言行,

說話前一定要想清楚,

也應該好好利用自己這個特性

去宣揚正確的信息,

讓更多人注意到。

至於愛情方面,亦都要小心說話,

因為有時沖口而出的說話,

可能會影響對方對你的感覺,

或者影響愛人和你之間的關係。

事業:

工作環境這個月比較多是非,

對於每個事件你也很想發表自己的意見,

亦都會得到認同,

可是這個月反而建議你少說話多做事,

如果要說的話只說有建設性的話,

盡量避免是非。

其實這個月你對於工作有熱誠和行動力,

只是容易比較分心,

所以盡量不要被他人影響你工作。

天枰座

整體:

有自信的一個月。

愛情:

這個月你覺得自己狀態不錯,

別人也看得出,認為你充滿吸引力。

可是別人也在想,你的要求應該也高,

所以就算你和藹可親

他們也未必夠膽過來認識你。

如果你不作出主動,

很多人都會遠遠地觀察你,

而未必會有進一步的行動。

有另一半的朋友,或者有對象的朋友,

請訪問一下對方有什麼需要或者心事,

因為他們以為你不想知道,

或許會選擇藏在心裡。

事業:

這個月是面試見新工

又或者是跟客人溝通的好機會,

因為你有一種令人信任,

令人想跟你合作的感覺。

如果你是做sales的話,

請你多些主動與客人聯絡,

要製造直接對話的機會(不是在電話send message的意思)。

如果有新想法新建議的話,

開會時不妨提出,

或者私底下跟上司溝通也是上位的好機會。

天蠍座

整體:

Me Time不能少

愛情:

這個月是一個愛自己的月份。

跟一些沒有意思的人閒聊,

是浪費時間。

跟一個令自己不快樂的人一起,

是不愛自己。

與朋友之間有心病而不解決,

就是對自己不好。

希望你這個月

把重心都放在自己的快樂與否身上,

當你活得快樂時,

就會散發一種光芒,

這就是你最令人吸引的力量。

事業:

這個月不適宜太過忙碌,

要注重work life balance。

如果這個月承受太大壓力,

你很容易會有轉工或者轉行的想法,

這並不代表你現在的行業不適合你,

這是一個狀況,是一個假象。

如果你不讓工作支配你,

不被工作加諸過多的壓力在你身上,

你也可以在這個行業繼續發光發亮。

換句話,

如果你不懂調節自己的心理狀況,

就算你轉到另一間公司或者另一個行業

也會是一樣。

射手座

整體:

就算有突如其來的事也要不慌不忙!

愛情:

這個月你的要求很高,

什麼也看不過眼,

對於另一半或者是新相識的人

也會有很多嫌棄的部份。

這個月你容易被挑釁,

所以認真討論一些事的時候,

很容易會有口角。

交際時切記要冷靜,多些聆聽。

另外,跟新認識的人不要發展得太快,

不要被情緒和熱情推動你行動得太快,

你們有的是時間。

事業:

這個月工作上容易犯錯,

因為你太貪心了,

嘗試一人分飾多角,

或者同一時間處理不同的問題。

因為這個月沒有太多人能夠幫助你,

所以你要好好分配自己的時間,

最好每個時間只專注做好一件事,

完成了一件事才開始令一件事。

只要你冷靜下來,按部就班,

是可以在deadline之前完成工作的。

如果慌慌忙忙的話,

上司和老闆絕對會見到,

就算完成工作,

印象分也會扣掉了一些。

山羊座

整體:

置身事外比較安全

愛情:

這個月你對愛情很多幻想與憧憬,

會懷疑有人喜歡你,

會懷疑對方已經不喜歡你等等,

所以最實際都是自己去問個清楚。

亦都因為你幻想比較多,

所以實際上和身邊的人感情的增長不多,

有很多說話你自己在心裡想了

便以為自己表達了。

如果你是單身的話,

在社交場合裡不顯眼,

你會以是因為自己吸引力不高。

不要想太多了,你完全沒有問題,

只是你想多過做,

令對方看不見你的存在。

事業:

事業上需要搞搞人際關係,

工作時要顯得投入,

如果有隊員的話請不要離群,

如果是自己做生意的話,

請多些與客戶聯絡或者花少少錢買廣告。

總之這個月適宜舉辦活動,開會,聯誼,

做一些互動的事情,

如果不是的話,

這個月便會無聲無息的過去,

事業上沒有什麼特別。

水瓶座

整體:

成為別人的榜樣

愛情:

這個月會有人令你失望,

可能他跟不上你的節奏,

也可能他聽不懂你的道理。

不是你的要求太高,

只是你這個月清楚自己想要什麼,

所以才會覺得對方不達標。

就算是一個你單戀的人,

或許你這個月會開始對他失去興趣了。

不要懷疑自己,

你只是對自己更了解,

不要為了擁有愛情而去改變自己。

事業:

不要逃避做帶領者的角色,

這個月你身邊的人都比較迷惘(唔醒目),

難得你是個有號召力而清醒的人,

就算你想做跟隨者,

或者你是小薯也好,

也要為自己的想法發聲,

可以為整件事情帶來新元素。

在工作裡發光發亮,

就是當自己有這些特質時便好好發揮,

不要怕羞喎。

雙魚座

整體:

有點不實際,但充滿吸引力

愛情:

這個月你會在有意無意之間

(尤其是在玩樂的時候)

散發着無窮的吸引力,

反而當你刻意的時候便得不到效果。

所以你要多些機會與人互動,

才有機會在無意間把對方吸引着。

如果對方被吸引了,

他們自動會向你示意,

所以你唯一要做的是「做自己」,

看似老生常談,

但要做一個最自然自在的你

未必是一件容易的事。

請你習慣對住任何人,

在任何時候也做自己,

不只在愛情上,

在人際關係裡也會令你變得更受歡迎。

事業:

這個月有一點懶散,

不喜歡做正經事,

但是煲劇打機卻很有耐性。

請你好好分配你的時間,

玩樂時盡量玩樂,

但工作時也專注工作,

千萬不要把玩樂和工作混在一起,

上班的時候盡量不要上面書,

回覆電郵時不要同時間開着一個網站在瀏覽。希望你這個月醒醒定定,

在工作上不要出錯。

Good luck !

魔女伊維特 星座運程🧡🖤🧡2020 MAY

每月星座運程

2020 May

五月,好多自己嚇自己,

好多聽了入耳的說話會讓你想起然後自己嚇自己,

簡單來說,就是想太多的一個月。

看看這個月的運程先!

Let’s Go!

白羊座

整體:

不要忽略身邊的貴人

戀愛:

對愛情充滿憧憬,是思想正面的一個月。自信方面是足夠的,對未來的想像也是偏正面,可是就是想太多,時間已經過了,時機已經過了。其實這個月你散發著友善的氣場,很容易被對象friend zone。如果想戀愛,我建議最好不要太多幻想,應該多行動,多與身邊的人聯絡,他們將會是你的中間人。如果有另一半的朋友,應該多傾聽對方的心事,他應該有些東西想你知道。

事業:

你現在的實力與經驗都充足,如果你好好善用的話可以把你的事業帶進下一個階段。可是,目標不要定得過高,不要貪心想跳step,一步一步採取行動,你身邊的人已經準備好沿途幫助你。

金牛座

整體:

感到迷失,但不要害怕,你是被保護的。

愛情:

這個月可能有新機會出現,可是現實與想像有點不相符,你很想要發展的結局在現實中未必是這樣,譬如你很想他對你迷戀,可是他只是還在好感階段。這個月你很想做出很多衝動的行為,你身邊會出現阻力去保護你,希望你不要夾硬衝開上天為你設下的保護網,不要讓自己做一頭盲頭烏蠅。有另一半的朋友,對方這個月未必會做到你想要的100分,這個時候要互相體諒,不要強迫他,因為你自己也會有不在狀態的時候唷~

事業:

這個月如果你有什麼請求,又或者不錯的建議,請不要害怕告訴你的上司或者老闆,如果你對自己的內容有信心,不妨給自己一點自信然後勇於表達,對方會感受到你的真心和誠懇,就算意見有沒有被接納,至少也讓對方知道你的想法,更了解你。

雙子座

整體:

你還等什麼?

愛情:

單身的你充滿吸引力,但如果你是女孩子的話,也給人一種硬朗的感覺,有一點難以靠近,他們估計你的要求很高,所以真正對自己有信心的人才會過來,也包括自大的人。這個月只怪你不太浪漫,所以感情事都發生得比較緩慢。就算有人對你有興趣,也只會站在遠處觀望,未必會有所行動。

事業:

似乎你已經準備好出動,如果想開發新項目又或者轉工的話,現在是個好時機。不太適合和人夾份做生意,就算已經有拍檔,這個月你也適宜擔當比較話事的人。這個月你有領導才能,下屬們將會成為你的好幫手。風險比較高的事也可以嘗試。

巨蟹座

整體:

保持現狀最安全。

愛情:

這個月的專注力都放在生活上,所以愛情變了一個附屬品,即是說,附屬品絕對不應該佔據你的時間和情緒。感情事就讓它輕輕地存在,這個月便會安安全全地渡過,單身人士就算有新對象出現,也不要太心急,暫時大家go with the flow就可以了。

事業:

這個月有點「一味得個做字」的感覺。無論工作量多與少,到最後的收穫也是差不多,所以這個月適宜做好基本事便算,不要過分賣命。有時間可以搞搞人際關係,為未來鋪路。

獅子座

整體:

好好享受生活,活在當下

愛情:

似乎這個月身邊的人都喜歡你,單身朋友對你有興趣的人已在身邊,不妨好好互動交往一下,不用想得太遠,最緊要感覺合得來。如果對方沒有放太多時間和專注力在你身上,他就不是適合的人,因為塔羅牌說你的對象會明顯地只專注在你一個人身上。有另一半的朋友,多些二人世界,你們需要享受一下拍拖的樂趣。

事業:

這個月你很心散,容易被身邊的事物令你分心,所以要多加留意,工作上小心犯小錯誤,尤其是那些已經錯過很多次的事,不要一錯再錯。如果是有客戶的話,這個月大家多了溝通,他們對你的印象很好,你可以嘗試給一記住他們的名字。

處女座

整體:

要出去走動一下

愛情:

單身的朋友,如果這個月每天也在熟悉的地方生活,你的生活將會跟一向的差不多,新的際遇也比較難出現。不是說你在外地才會認識到新的人,現在所講的只是你的運氣,如果你出外走走,去吓不是平常去的地方,去吓離島,或者一些陌生的區域,你的運氣會將按了重新啟動一樣,新的際遇才有機會出現。

已經在關係中的你,不妨一起做一些不是平常會做的事,就算是找尋一些新的黃店也算呀~ 我的意思是在生活中做一些小改動,把整個關係與運氣refresh一下。

事業:

今個月你的強項在於思想,創作力等等,對於行動和做實事方面你卻沒有太大的力量,所以這個月多些動動腦筋,多些接觸新事物讓自己開眼界,工作方面不要讓自己太忙碌了,反正你一定會心散。如果你今個月心散到只懂吃喝玩樂,你便完全浪費了這個月的靈感與創造力了。

天枰座

整體:

好好享受做被愛的角色

愛情:

就算你喜歡對方,也不應該一味只顧付出,這個月就讓對方為你付出,然後讓他知道你欣賞他的行為。單身的朋友不要太心急想有一個目標出現,首先好好享受朋友和家人給你的愛,告訴自己,你是一個可愛與值得被愛的人,首先營造了這份力量,你會更容易吸引一個人過來欣賞你。

事業:

事業上出現了與人合作的機會,在某些部份讓別人幫助你,不代表你能力有問題,不要把全部工作也放在自己身上,分些出去節省自己的時間,會幫助你更快達到你的目標。今個月適宜睇定啲,多觀察,從別人身上學習。

天蠍座

整體:

不要放慢腳步,會落後的哦~

愛情:

這個月上天的確想你把專注力放在自己身上,你今個月不太浪漫,單身的你,如果這個月你展現勤奮的一面,在別人眼中還是一個十分吸引的人,間接上對愛情都有幫助。有對象的你,即管展現你能幹的一面,讓對方從新欣賞你,傾慕你,你要展現踏實的性格,對方才會更放心跟你建立一個長遠的關係

事業:

這個月真的要發力了,你身邊的人正在努力向上,這應該會給你一個良性的影響,是一份良性的壓力,不論男女也好,這個月應該拿出剛強的男性能量向前衝,似乎你身邊的競爭也很大,如果見工的話,就算你的表現良好也不一定會選中你,所以拿著平常心便可以,大家都是出色的人, Good luck!

射手座

整體:

是時候回饋社會了

愛情:

這個月你人見人愛,大家在你身邊會感覺良好,所以這個月可能你的社交比較多,同時間愛情也變得模糊了。不要太失望,喜歡你的人自然會想起你,只是可能你太忙碌,所以他/她才選擇不去打擾你,這個月似乎浪漫的事不會太多,但你不會感到孤獨。

事業:

這個月切記要把大部份時間留給自己,因為你會吸引到一大班需要你幫助的人過來讓你分心,也用掉了你的時間。不要關心太多不關自己的事,要幫其他人解決問題先解決自己的問題。事業方面方向未算很清晰,所以很多事情也是抱着試驗心態都可以,你其中一個優點就是可以帶歡樂給人,可以幫助人,所以如果你在事業中可以做到這兩點也是十分適合的。

山羊座

整體:

peaceful

愛情:

今個月你會吸引到一些小眾的人,你散發着一種獨特的氣質,比較低調,只有小眾的同類人才會留意到你。雖然你也嚮往愛情,但表面上沒有人知道,也沒有人知道你想怎樣,所以被吸引過來的人少之又少。有另一半的人,對方也猜不到你想怎樣,可能你覺得有些問題,但他會以為大家完全沒有問題。記住,不是所有人都跟你心靈相通的,你不說出來就冇㗎喇~

事業:

今個月比較懶,行動和思想上都比較懶,不過你會有很多藉口去幫自己解釋。其實你的能力和能量也不是在一個需要休息的狀態,如果你要發奮的話你是可以的,可是,這個月真的十分懶惰,自己檢討一下啦。我冇嘢講了。

水瓶座

整體:

大將之風,有事就自己話事啦

愛情:

你根本就知道自己想點,如果你在交叉點,你心裡早有答案。最老土那句,跟着自己個心走,不要做違背自己良心的事,想爭取便努力爭取,覺得不快樂不幸福就不要勉強留低等等。單身的你,可以從改進外型開始增強自己士氣。

事業:

這個月你有領導才能,事情看得透徹,思想也清晰,十分之適宜做重要決定,甚至乎是幫其他人解決問題,帶領大家走向同一方向。這個能力如果能夠展現給公司或者客人看,你將會得到更大的成就。錢銀方面反而不要太進取,不要做高風險的事。

雙魚座

整體:

要多嘗試,吸取多些經驗

愛情:

不如放鬆一點,你現在如果正在一段關係當中,實在太過緊張了,對方也能感覺到,所以相處的時候不能完全輕鬆自在的溝通。不要計算太多,不要怕對方眼中的你是怎樣,就算做了一些令對方扣分的事,但這個也是真的你。已經有另一半的朋友,這個月可能多些意見不合的情況,要好好處理,盡量心平氣和,不要有「我哋成日鬧交」的感覺。

事業:

這個月麻煩人比較多,公司或者客人的無理要求比較多,你不要勉強去滿足他們每一個要求,因為這樣只會沒完沒了。用你自己的節奏,逐個task去KO吧,不要把自己逼得太緊,你的精神一緊張,你的情緒一壞,你在工作上便會很容易出錯,這樣就會變成一個惡性循環了。good luck~

令人抖震的抖音

要扮ABC有好多方法

唔好揀人地7嗰啲嘢嚟扮啦。

「哪裡來的自信」第一個感覺就是如此。對不起所有有玩開的人,不是想打擊大家,不過這個大6 app給我的感覺永遠都有陣7味。我知道他們在外國很受歡迎,sponsor很多YouTube大台的片,但受歡迎不代表他不7。外國人無分什麼罷用罷買中國貨,他們部份自信爆燈,表演慾強,在日常生活已經很作狀,這個app開正他們嗰範,可以在鏡頭面前扭扭擰擰,錄低,然後俾全世界睇。

香港人,有些將表演慾強的這一面埋在心底裡,於是有個app推出,好啦,勉為其難試吓玩啦,好啦個個都玩我都玩吓啦。根本自己就很想玩,就像去disco好想有人推自己出舞池一樣。

最近開始開發香港市場?

為什麼是現在?

為什麼是我們最抗拒你們的現在?

很好呀,讓我一眼就分得出

誰是真市民,誰是豬,誰是7。

看到有些平常把自己版面設計得好高尚的女生都開始放抖音片了,什麼格調都沒有了,就像王菲當年(kind of被逼啦)上無線啲低B節目玩遊戲咁。呢個app,無論你跳得好看,搞笑,難看都好,outcome都是7。

有朋友post了一段外國家庭的片,全家一起玩抖音,研究動作,一群人在客廳中想低B仔般郁來郁去。朋友caption話佢地cute,我覺得仲乜要搞到自己咁?我唔想見到我daddy mommy喺度扭身扭勢,好el恐怖呀喂!

要跳舞,正經跳啦,自己鍾意跳乜就跳乜,唔好俾個app控制,你不需要instruction。

要表演,自己設計表演什麼,用吓你個腦,用吓你嘅創意,唔係開個app叫你做乜就做乜。

TRY GUYS(大YouTube頻道)而家都玩tiktok了(應該收咗錢),佢地拍咗幾條tiktok片,低質,無聊。平時好地地拍開高質製作,點解要浪費自己時間製造呢啲無意思嘅短片?

不要浪費自己時間做或看抖音了

食你時間

食你精神

食你的智慧與對事物的要求

煲大那奇怪的自信

最緊要,可能big brother已經watching you