EVITAvsEVITA

2021 5月星座運勢！🌟

Let’s Go!

白羊座

整體：

你的能力比你想像中大！

戀愛：

現在的你已經完全掌控自己的關係

單身的你應該好好享受單身

好好享受你每天擁有的時間

有另一半的你

或者有目標人物的你

現在關係中的掌權者應該是你

如果你發現對方在掌控

你就應該把權力爭取過來。

只要朝着自己想去的方向

千萬不要盲目跟隨另一個人的意向。

事業：

打工又好，自己做生意又好

想要成功的話都需要時間去建立

最近不適宜急功近利

一些搵快錢的機會也不適合你

人腳也是十分重要的一環

好好望清楚跟你合作的人，

是帶着什麼能量來跟你合作。

負面的人不要溝通太多，

有價值的人要好好建立關係，

工作完成之後也輕輕地保持聯絡。

金牛座

整體：

適宜思考不適宜行動

愛情：

這個月感覺有點納悶

行動力很低

就算喜歡的人約你，

你也有點想選擇宅在家。

盡量保持人少少的活動，

多人的聚會就不要勉強自己了，

反正你的表現也不會太好。

多點私人時間，保持良好狀態

等到有心情出外時就以最佳面目示人。

沒有需要因為有點悶就隨便找人傾計，

因為之後你會後悔浪費了時間給這些陌生人。

事業：

如果工作到有點反感，

就要提醒自己工作背後的原因，

賺了錢回來是為了一個更好的未來，

更好的生活環境，

可以跟家人或愛人分享的一個良好生活環境。

帶着這些想法，

你便不會再覺得工作很無聊。

今個月容易心不在焉，

小心出錯誤，

或對着上司或老闆講錯嘢。

雙子座

整體：

好好發揮合作精神

愛情：

這個月想愛情好好發展的話

必須要真人的互動

1分1秒的建立感情

而不是透過電話透過訊息。

而且感情需要兩個人一齊建立的

關係中的你或有對象的你

請看清楚對方在你付出的時候有沒有一起付出

如果你發現只有你自己一個付出，

或者只有對方在付出的話

嘗試拿個平衡。不能的話，

這就是不適合你的關係。

事業：

今個月必須靠互相合作才會得到成果

就算你是自己一個工作的話

你與顧客之間的良好溝通也是必須的

今個月請多留意身邊的人的感受

不是完成工作範圍便算

用更有人性化的態度跟所有人合作

是今個月的致勝之道

巨蟹座

整體：

受到注目，受到讚賞

愛情：

今個月你的魅力很高

一舉手一投足也會引來注目

大家就是想在你身邊看著你。

真正的關係還是要透過溝通才能實在地建立

如果有人認識不久便說已經愛上你

請你不要立即完全相信

你必須把進度拖慢

堅持要了解一段時間才好進下一步

今個月很容易被感覺迷惑了。

事業：

事業心不太重

很想去街

很想放工

很想購物

很想去旅行

今個月很難專注一段長時間做正經事

經常都貪玩，很想離開工作

唯一能夠令工作順利的方法

就是告訴自己這是一個很好玩的遊戲

嘗試用玩的方法去面對工作。

但基於今個月太喜歡玩，

所以投資的時候要小心，

切勿太興奮。

獅子座

整體：

對自己有信心，別人也看到的

愛情：

這個月無需心急談戀愛

你的魅力會吸引人過來

我反而認為你應該好好地療癒自己

之前受過的傷害在這個月可以好好處理

正因為你這個月狀態比較好

可以好好面對過去

看看有什麼值得學習

有什麼可以放低。

事業：

打工仔就平平無奇了

今個月順利過渡

工作表現不錯。

自己做生意的話，

這個月可以好好發揮

不過要先好好檢討一下公司有什麼做得好

有什麼浪費資源與時間

好好調整一下。

這個月門面功夫也十分重要

待人接物要留意自己的親和力

所有裝潢或設計上的嘢也要做好一點。

處女座

整體：

只要你肯便會順利。

愛情：

今個月大家都很需要你

可能朋友會講秘密給你聽

可能家人找到你特別密

你要記住好好分配時間給另一半

如果沒有另一半的話

就給得騰出一些時間來交際

如果不是的話這個月很快就會過去。

重點就是這個月你十分討人喜歡

所以應該好好利用這個魅力。

事業：

今個月請不要心急

不要賣命

你的重要性是有目共睹的

可能大家事務大小也會找你

不要覺得自己有責任急速地回應所有人

他們需要你便應該好好耐心等待

你千萬不要打亂自己的節奏

甚至應該好好享受自己的重要性和存在感。

天枰座

整體：

有些事還是要處理

愛情：

愛情道路上有些阻礙你的問題要處理

可能對愛情某些偏見與恐懼

可能對某一種人的抗拒

或者對另一半的不信任等等

如果現在不好好處理

這些問題將會阻礙你找到新對象

又或者成為你跟另一半的關係更進一步的障礙。

事業：

工作上有孤軍作戰的感覺

很多問題要自己獨力解拆

就算有不明白的地方已經問了上司

他們的答案也未必會幫到你

很多時到最後還是你自己一個去面對

不要感到害怕

你的能力足夠應付

需要的只是時間。

如果你想轉工的話

要先好好考慮你想去哪裏

如果只為想離開這個地方而轉工

而沒有一個想去的地方

現在並不是最好的時候。

天蠍座

整體：

今個月你話事

愛情：

這個月的命運就操控在你手裏

你想自己活躍點你就要自己製造機會

你想戀愛的話你便要出去認識新朋友

你想跟另一半關係改善的話你就要做主動

總之你不行動就不會有好運自動降臨

所以你好好想清楚自己想要什麼。

事業：

你跟你的工作關係一定要有愛

就算不愛公司也愛你的工種

就算不喜歡工種也愛你的同事

就算不喜歡同事也找些東西來喜愛

如果你找不到這個點

今個月會感覺迷失

唔知自己返工為左乜。

想投資的話今個月都適合

不過只適合一些比較穩陣或者長遠的投資

不一定是股票之類

可以是實物買賣等等。

射手座

整體：

身體心靈需要休息

愛情：

這個月有點懶惰

不想見太多人

只想自己靜靜在家裏打發時間

這個月的你很在意自己身心靈健康

如果戀愛為你帶來煩惱

可能這個月要多些獨處的時間

盡量不要被人打擾

要保持inner peace

事業：

這個月適合在工作以外的時間找些興趣

工作方面平穩過渡便可以

但這個月你很需要有一些興趣來平衡工作的你

靜態活動或者創作也很適合

這個月天馬行空的想像當中

可能會有些有用的idea可以之後用來發展～

山羊座

整體：

似乎你已經準備好向前出發

愛情：

這個月的你情緒穩定

如果認識新朋友時，

你將會是一個很吸引的人

因為所有人都喜歡感覺穩定的人

記住你要堅持自己的性格

不要投其所好

也不要過分遷就

千萬不要在戀愛中失去自己。

事業：

這個月狀態不錯

自僱人士生意也不錯

因為最近你的好處很容易被看到

你就簡單直接地把自己最好的一面放出來了

所以大家也想和你合作

你要知道大家都需要你

所以你也要對自己有點信心

如果去見工的話，

可以大膽地說出你自己的好處

不用覺得尷尬

也不需要擔心別人覺得你囂張。

水瓶座

整體：

今個月比較感性，但心情不錯

愛情：

這個月10分感性

完全適合去戀愛

好好分享自己內心的感受

對方將會覺得很有興趣知道更多

你對事件獨特的見解也是你吸引之處

溝通時可以表達多些你的想法

對未來的看法

或者一些比較感性（deep）的話題

因為這個月你很吸引，

千萬不要太容易就跟人開始親密關係。

事業：

這個月適宜好好觀察其他人

從他們身上學習

不只是上司，

就算是同輩或者是行內的其他對手

也值得你去留意和學習。

注意是留意和學習

千萬不要直接抄龍，

因為你在做什麼大家都有目共睹

這個月你根本就不可以把自己藏起來。

雙魚座

整體：

對所有事情都很滿意

愛情：

這個月一切都很好

氣氛不錯，發生的事也不錯

只是愛情中的你太保護自己

怕美好的東西會離開你

又或者你害怕被傷害

這個月你需要時間去建立一點信心

那些令人完全不能放心的人

也不應該是你的目標人物

跟他們相處時你會想太多

不是現階段最適合你的人。

事業：

這個月對成功的慾望很大

很想做一些大事

很想有一些個人的代表作

如果這個地方的人不懂欣賞你

你可以尋找更好的地方

如果是自己做生意的話

可以計劃一些更大更周詳的企劃

是時候開一個project

至少會維持幾個月至半年以上的project

你完全有材料和能量去做一件大事。

2021 3月星座運勢！🌟

Let’s Go!

白羊座

整體：

忍心let go對你有害的東西吧！

戀愛：

有block。可能是舊傷痛，

不健康的關係，

不願意接受/相信愛，

盲目追求完美某個人，

無止境的等待等等。

沒有人幫到你，自己放開吧。

事業：

在公司不要盡信任何人，

未必是害你，但附近的人不像他們外表般簡單。

如果有機會跟人合作，

最好慢一點，必須看清楚對方

搞清楚規條才開始，

開始後也不要做被動的人，

要有點氣勢～

金牛座

整體：

需要好好思考

愛情：

這個月可以多些獨處時間，

太多人的環境會擾亂你

因為妳本身有啲迷惘

唔知自己想點。

有另一半嘅人都一樣，

需要多些私人時間

用來思考，感受，而唔係用嚟工作或煲劇。

事業：

適宜做長遠打算，

留意長期嘅投資計畫，

買樓，儲錢，

唔好貪賺快錢嘅機會，

唔適合賭錢。

雙子座

整體：

係時候關心身體

愛情：

你嘅身體係神聖的，

好好選擇親密伴侶。

保持良好嘅精神先有力量去戀愛。

鬧交，委屈，憤怒等等都對身體有害～

事業：

靜觀其變，離緣一點就能看到所有。

工作上可能有小人，

沒有大礙，但會slow down進度

不要做快的決定，

起碼想一整晚才好肯定。

巨蟹座

整體：

小心有人趁你虛弱時攞便宜

愛情：

能量氣勢不足，

容易被人看穿或者食住嘅一個月，

最好低調，慢些，不要心急。

message不要秒回，什麼都等一陣就對了。

如果覺得感覺不對就不要應約

今個月最忌心急，會後悔。

對自己另一半也一樣，

不想見就不要勉強地出去。

事業：

這個月想偷懶，感性的一個月

玩心情～～～

平穩過渡就好了

如果有大project進行中

不要分心，盡快完成自己部分就可以了。

這個月但求不要出錯

平穩渡過就算

獅子座

整體：

不要只顧自己，多聆聽別人意見/聲音

愛情：

附近有人等你回應，

你只要付出一點點就可以將關係改進

有另一半的朋友，

這個月可以多留意多方的需要，

為關係付出多一點。

事業：

這個月是投資月

小財唔出大財唔入㗎

尤其是俾少少錢人地幫你做嘢

或者請人食飯請教人地嘢等等

處女座

整體：

真相月。你自己都要面對

愛情：

不要再逃避真相，

未必是什麼大問題，

不過如果你老是逃避的話，

上天也會在今個月內要你面對。

跟對方來一個切底的溝通也很好，

對感情有幫助。

真心愛你的人能夠接受一切。

事業：

工作量，付出與收入未必成正比

不過也沒有辦法

必須要付出

如果下個月還是這樣就要作出反抗

這個月可以先沈默觀察。

天枰座

整體：

好奇心重，容易受人或環境影響

愛情：

這個月吸引力特高

戀愛不戀愛也好，這些人際關係對你有用。

戀愛方面，容易被對方覺得你細個

妹妹弟弟的感覺，自己留意返～

事業：

行動力低，心散，容易出錯

做嘢最好一氣呵成

不過呢個月有小運氣

可以投資少少🤏🏻

天蠍座

整體：

天晴，前路清晰

愛情：

會遇到能夠帶領你的人，

如果身邊人不是這種人的話，

嘗試給他多點責任，

不要什麼也自己出手搞掂，

也不要讓自己在關係裡的壓力太大～

事業：

可以做一些比較大膽的決定

可以對自己的決定和能力有點信心

客人/上司都能看到你工作時在發亮

把握機會表現最佳

珍惜每個工作機會

射手座

整體：

遊戲和工作的機會一樣的多，點算😆

愛情：

交際機會突然變多，

每一個人都看似可以做朋友

究竟那個是真正有heart的人？

時間會證明一切，

對你不是三分鐘熱度的人才有資格

跟你發展下去。

用一點時間聽他們的故事

然後相信自己的直覺。

事業：

頗多人對你開空頭支票。

頭幾次跟人對談/開會/吹水，不要盡信對方

一路發展下去有下文才好考慮合作。

至於自己想做的決定就可以爽快些，

很多人與事在擾亂你，

slow down你行動。

山羊座

整體：

拒絕跟世界接通，想關閉起來

愛情：

怕受傷，怕會得到不想要的回應

所以不敢行動。

這個月適合增加自信

主動面對人，主動跟人溝通

越害怕就越不要逃避。

事業：

適宜穩陣投資，儲錢。

不要太進取

要聽別人的意見

尤其是權力或地位比你高的人

這個月你有點反叛

越是叫你做你就越不想，

但為你好的人都在你身邊，不要錯過。

水瓶座

整體：

充滿機會與生機～

愛情：

這個月的你充滿創意

令人覺得可愛，

跟任何人也能聊得來。

可是真正跟你合得來的人不是太近，

要等等，

which means

（單身人士only）對的人暫時不在身邊。

有另一半的人，這個月多去未去過的地方，

做多點有新鮮感的事。

事業：

機會很多，花多眼亂

想學的也太多，

不要什麼也參加。

善用時間，

想什麼方面有增長就把時間放在那裡。

雙魚座

整體：

世界，社會，周圍的事影響心情

愛情：

單身的人，要讓對方有付出的機會

不要心急給提示，出手

就看看他/她能夠為你有什麼付出吧

有另一半的人，

你們需要給對方多些時間，

各有各忙，兩顆心就會不知不覺間離遠了。

二人世界或者多人活動也可以，

只要是一起做就好。

事業：

這個月覺得自己事業去到樽頸位，

如果因此考慮離開的話，

不用心急，

先想想長遠發展想怎樣，

如果這次轉方向就認真的轉，

堅持一段時間就會有好結果。

最近外在環境容易影響你心情，

所以不適合投資等活動。

每月星座運程

2020 Dec 十二月。2020終於嚟到尾星🌟

睇吓今期星座啦～Let’s Go!

白羊座

整體：

把自己的幸運分享出去。

戀愛：

呢個月完全係狀態中，

外在同內在都散發着吸引力，

社交機會都多（唔建議多人活動啦）

但係因為狀態太好

新朋友會怕你難以接近

怕你會唔放佢哋喺眼內

所以唔敢主動引你關注。

有冇對象都好，

呢個月你要主動接觸人，

對人表示善意。

事業：

事業一切穩定，

唔建議有太大轉變，

呢一個月如果穩守崗位嘅話

可以累積經驗同財富

累積嘅意思即係變多

所以唔好中途離場

有什麼大轉變就留返出年先

今個年尾嘅好運氣係可以同人分享

不妨俾啲機會身邊嘅人

有錢齊齊搵。

金牛座

整體：

運氣翻返嚟，繼續向前行

愛情：

一啲唔啱心水嘅人

或者以前傷害過你嘅事

總之唔好嘅嘢會慢慢離開

如果而家有唔好嘅嘢

佢已經係尾聲

你亦都唔使驚佢遲啲會返嚟。

如果感覺唔良好，

一切都係自己嚇自己。

如果有另一半嘅話，

你哋可以商討一個新嘅相處方法，

唔好俾以前嘅唔開心嘢阻住晒。

事業：

今個月唔建議有太多大動作，

尤其是人事關係上，

避免避免講是非

避免喺背後批評其他人

呢個月禍從口出

總之做好自己，低調謹慎

實實在在咁樣過埋呢個月啦。

雙子座

整體：

心靈探索

愛情：

今個月你發現自己有點改變

你想要嘅愛情同埋對象都有點改變

你開始追求心靈相通嘅人

可以交心傾偈嘅人

多於條件上嘅要求

又或者多於呢個人有冇趣

如果有另一半

不妨與對方多一啲感性嘅溝通

你睇吓呢個人同你其實心靈層面上能唔能夠想通

呢個轉變係一個進步

所以你應該接受呢個全新嘅自己

事業：

呢個月工作力不從心

返工等放工

甚至乎你會問自己每日喺度做緊乜嘢？

其實心底裏你好需要一個目的/意義

如果遇到呢個狀況

有必須要繼續打工嘅話

你唔需要立即轉工

你只需要喺工作以外尋找興趣

分散一啲專注力就可以。

我係講尋找興趣

而唔係一定要找到興趣。

巨蟹座

整體：

自我保護

愛情：

單身嘅朋友

呢個月都幾多機會識人

不過都幾多無聊人

為免浪費你嘅時間

千祈唔好所有約會或者訊息都回應

要嚴重filter。

有另一半嘅朋友

呢個月會有引誘出現

你自己好自為之

叫得做引誘即係有吸引力嘅

不過對你冇益。

事業：

工作方面冇乜特別，

不過理財方面就出事了

你會有錢用

不過好多都發咗喺唔需要嘅嘢身上

真正值得買嘅你又錯過左

所以呢個月盡量唔好買「垃圾」

又或者係唔好太花費喺吃喝玩樂身上

因為一餐飯食咗就冇咗

可以話係虛空嘅。

而以你今個月嘅狀態，

你並非必定要呢啲聚會先至會令你開心同放鬆。

獅子座

整體：

終於都諗通

愛情：

之前對愛情上嘅一啲執着

今個月終於都醒了

今個月應該可以成功Let Go一啲舊有想法

一啲過往嘅回憶

或者一啲放唔低嘅人。

呢個過程可能有少少痛苦

不過喺年尾有呢個轉變係好嘅事

出年你係關係上一定會有大進步。

事業：

事業上唔好衝動，

如果想開新計劃又或者創業

最好做好準備

留返下年先開始

你嘅準備要充足

你損失嘅可能性就越低。

如果係打工嘅話

千祈唔好做埋人哋嗰份

處理好自己嘅份內事就夠了。

如果唔係人哋嘅問題就會變成你嘅問題

仲有，盡量唔好借錢俾人。

處女座

整體：

唔好睇小自己嘅力量

愛情：

係愛情裏面

有啲你唔同意或者唔喜歡嘅地方

一定要出聲

甚至乎可以選擇離場

如果同新對象發展嘅時候

心裏面覺得完全溝通唔到

其實就無需要再去一啲悶到嘔嘅約會

有對象嘅人都一樣

有啲乜嘢睇唔過眼都一定要出聲

如果唔係遲早有一日

當你頂唔順嘅時候就會突然間離開。

事業：

喺事業上好容易將專注力放咗喺其他人身上

掛住留意人哋嘅成功

掛住留意人哋嘅錯處

反而忘記咗爭取機會去展現自己

所以就算你己有才華都好

今個月好容易會企咗喺暗淡嘅角落

令高層完全留意你唔到。

天枰座

整體：

感性嘅月份

愛情：

今個月比較敏感

好容易被觸動

好容易會感情用事

因為一時間嘅感覺而做出決定

如果單身嘅話

唔好咁容易就同人一齊

或者發生超友誼關係

因為我怕你感性過後會後悔

有另一半㗎你，

反而要爭取今個月嘅時機

好好跟另一半互動

令感情變得紮實深厚。

事業：

今個月有好多不切實際嘅想法

有好多思考嘅時候

但係行動性好低

唔係因為你懶惰

只係因為你幻想太多

你嘅時間會不知不覺間溜走

12月好似眨吓眼就過

所以呢個月唔適宜迫自己喺工作上加速

因為見你今個月嘅狀態

加速係唔可能嘅事～

天蠍座

整體：

其實可以更好

愛情：

呢個月雖然你冇乜期望

不過你散發緊魅力

亦都有人留意住你

雖然未必係你感興趣嘅人

但係呢啲人對你係善意嘅

千祈唔好利用佢哋做兵

真心想成為朋友就唔好俾假希望人

講清楚你嘅意思。

有另一半嘅朋友，

記得要俾對方知道你appreciate佢地嘅付出

因為呢個月你好容易會老馮咗都唔知

會影響對方愛你嘅士氣

事業：

呢個月你有成功嘅特質

淡定，冷靜，視野清晰

雖然你唔算高調

但係已經引來注意

如果想升職加薪嘅話

不妨大膽啲企出嚟

俾老闆更加容易睇到你

有要求都不妨講出嚟

因為你嘅能力係被肯定的。

射手座

整體：

全速前進。

愛情：

呢個月充滿力量

充滿正能量

充滿動力

步伐比較慢嘅人會令你頂唔順

如果另一半追唔上你嘅步伐

你會有啲嫌棄

甚至乎想有得佢落後

呢個月因為狀態大勇

反而唔係好想理會身邊嘅人

似乎多啲獨處嘅時間比較好。

如果有另一半嘅話就要俾對方知道

呢個月你需要多啲私人空間。

事業：

完全唔需要擔心你嘅事業發展

諗到嘅嘢就可以去做

當你將想像變成行動力

適當嘅人選亦都會出嚟幫你

志同道合又或者係你睇得起嘅人

呢個時候就可以一齊做啲嘢

適宜發展一啲長線計劃

適宜做一啲實在嘅工作

唔適宜做投機性嘅嘢

唔適宜做只係靠運氣嘅嘢。

山羊座

整體：

係時候停一停諗一諗

愛情：

嚟到年尾，你最好就係諗吓

過去呢一年你嘅感情生活如何？

你嘅社交生活如何？

有冇邊啲位置做得唔夠好？

有冇邊啲人你錯過咗？

有冇邊啲事太過放唔低？

今個月你必須檢視自己過去做過嘅嘢

睇吓有冇改善嘅位置

又或者睇吓有冇需要轉一個新方式

有另一半都一樣，

諗吓有冇新嘅相處方法

令關係改善，因為對方似乎有少少投訴。

事業：

其實沒有懷才不遇嘅人

只有有才華但係冇人知嘅人

唔好再守株待兔等待機會出現

衝破自己心理關口

讓更多人去認識你

知道你做緊乜嘢

喺公司裏面盡量展現自己

如果唔作出呢啲改變

可能事業上就難有改變了。

水瓶座

整體：

性格好就會被留意

愛情：

今個月多愁善感

不過唔係被討厭嗰隻

其他人會有想保護你或者開解你嘅感覺

如果想放負嘅話唔好去得咁盡

反而注重喺同對方嘅交流

對話唔好全程都放負

天馬行空嘅想像令對方覺得吸引同有趣。

唔識得欣賞嘅話

應該唔係你要搵嘅人。

事業：

今個月好怕自己做錯野

萬一真係做錯自責亦比較嚴重

自己令自己無法繼續向前

自我懷疑同唔肯定自己嘅能力。

工作上有啲嘢過咗就過咗

盡量留意吓自己以外嘅環境同埋人

唔好淨係將專注力放喺一點身上

因為可以影響你事業都有好多因素。

今個月事業未必有大進展

反而建議你做事小心

盡量減少出錯已經賺了。

雙魚座

整體：

信自己好過信人

愛情：

今個月喜歡小組活動

當陌生人嘅地方你會冇興趣

所以認識新朋友嘅機會都比較低

不過冇所謂

因為今個月應該重質不重量

一啲唔係太friend嘅朋友都無謂見了

把時間留俾值得的人和自己。

如果有另一半

就應該多啲二人世界

諗一啲特別節目大家一齊進行，

令感情變得深厚。

事業：

最清楚你自己就係你

有啲事你想唔想做你自己最清楚～

想唔想辭職？

想唔想升職加薪？

想唔想創業？

其他人比你嘅意見似乎都冇乜用，

因為佢哋唔知道你心裏面真正嘅諗法，

你亦都冇特登俾人知。

唔好聽太多人嘅意見擾亂自己

因為佢哋每個都出於善意

所以你會唔好意思唔聽。

塔羅占卜/開阿卡西紀錄

Whatsapp 9768-5388

每月星座運程

2020 Nov

十一月。

可以放慢腳步，準備新嘅一年。

睇吓今期星座啦～Let’s Go!

白羊座

整體：

胸有成竹。

戀愛：

呢個月你充滿自信，

以為好好表現咗自己，

但係其實你以為人哋想要嗰啲嘢，

並非人哋想要嗰啲嘢。

譬如你以為你另一半希望你善解人意，

其實可能佢想你講嘢直接啲。

雖然今個月有自信，

但係同對方缺乏溝通，

所以會捉錯用神。

如果單身嘅話就唔好猜想人哋想要啲乜，

做返最原裝正版嘅自己

就會吸引到適合嘅人過嚟。

事業：

如果打算有新計劃可以開始動手，

如果打算創業，建議自己一個做，

如果已經有partner，

你要留意自己要有話事權，

一定要感覺到自己嘅力量同存在感。

呢個月只要你有足夠嘅信心，

對自己工作表現肯定，

身邊嘅人就會睇到。

仲有就係今個月你俾人嘅意見都十分有用，

如果有時間嘅話可以幫助吓身邊嘅朋友，

不過只限於俾意見，

並非借錢或者落手幫佢做埋。

金牛座

整體：

繼續努力，就快見到成果。

愛情：

今個月嘅愛情係種瓜得瓜， 種豆得豆。

你擺幾多時間落去展現自己，

同人溝通互動，

出外社交等等，

就會得到相等或者更高價值嘅嘢返嚟。

所以，建議今個月外在同內在都好好維持係最佳狀態，因為如果你Hea嘅話，

得到嘅回報都係Hea。

事業：

今個月你仍然要下一啲苦功，

OT就OT啦，

你嘅努力未必會得到讚賞，

但係宇宙已經接收到，

所以你都係會得到應有嘅回報。

如果投資嘅話，

建議唔好玩啲又快又貪心嘅嘢，

開始一項長線投資亦都係好嘅決定，

穩穩陣陣嗰啲。

雙子座

整體：

點解我咁黑仔？

愛情：

今個月最多胡思亂想，

本來冇乜嘢都俾你幻想到好差，

對方一個小動作，

你就幻想咗好多負面嘅嘢出嚟。

今個月特別敏感，

經常將自己嘅感覺建基於人哋對你嘅態度，

原本可以開心自在嘅你，

不斷俾身邊嘅環境影響。

建議唔好咁在意身邊嘅一切，

因為其實大家眼中嘅你都好美好，

但係今個月你自己會睇自己唔順眼。

事業：

擔心自己地位不保，

或者唔肯定自己係公司嘅地位，

其實我見你又幾穩陣，

根本就唔使擔心咁多。

今個月適合做一啲靜態啲嘅工作，

對人嘅時候小心講多錯多，

因為今個月缺乏自信，

如果想得到客戶嘅信心，

見面或者講電話時，

請留意自己嘅表現，

唔好俾對方感覺到你缺乏自信。

巨蟹座

整體：

家庭生活

愛情：

今個月好追求齊齊整整嘅感覺，

喜愛群體活動，

嚮往家庭溫暖。

如果有另一半，不妨多啲留喺屋企活動，

或者見吓大家嘅家人，

感受吓家庭溫暖。

如果係單身嘅話，

適宜多啲去群體活動，

就算冇新朋友喺裏面，

呢種快樂嘅感覺都會令你變得吸引人。

事業：

今個月你有好多嘢想做，

所以時間管理係最緊要嘅，

千祈唔好俾自己有趕急嘅感覺，

就算有好多嘢要做都係輕鬆咁樣去做。

如果想學嘢，或者發展新項目嘅話，

似乎今個月已經滿額，

好好享受同經歷你手頭上做緊嘅嘢先啦，

成世人流流長，總有機會玩其他嘢嘅。

如果時間管理唔好，

你嘅錢亦會變得鬆散。

獅子座

整體：

Spiritual

愛情：

呢個月心靈溝通最重要，

你會特別喜歡嗰啲同你傾到計嘅人，

唔係淨係吃喝玩樂，

亦都唔係淨係外貌協會，

呢個月你發現內涵好重要，

亦都係你係一個人身上最嚮往嘅部份。

簡單來講，如果你覺得對方好蠢嘅話，

就算佢幾靚都冇用。

嘗試搵一個能夠同你一齊成長嘅人吧。

其實傾一兩次計就會知道，

所以溝通唔到嘅人就唔好再嘥時間。

事業：

呢個月應該着重喺理財，

講真未必會搵到大錢，

但係係時候review一吓自己理財嘅習慣，

希望可以儲到咁多錢～

如果要攞一筆錢出嚟投資嘅話，

今個月未必係時候，

睇定啲先。

處女座

整體：

今個月得到大家嘅愛

愛情：

今個月會接收大量人哋俾你嘅愛，

不過我見到嘅係家庭或者朋友比較多，

如果家庭裏面有老公老婆

就當然係關愛情事啦，

但係如果單身嘅話，

似乎未咁快會有人出嚟比浪漫嘅愛你。

唔緊要，只要你願意及習慣接收，

愛你嘅人就會搵機會出現。

所以你未必要做好多出去識人嘅活動，

但係反而你要同親人或者朋友多啲互動，

學習交換愛同關注。

事業：

唔好一個人做晒啲嘢，

亦都唔好將自己嘅秘密講晒比人聽，

同同事嘅相處要小心，

返工嘅時候盡量將私人嘢放埋一邊，

熱愛你嘅工作，

同同事好好互動，

平穩咁樣過到呢個月。

如果有嘢想爭取嘅話，

過埋今個月先出聲會好啲。

天枰座

整體：

最緊要聰明

愛情：

呢個月嘅人際關係或者愛情，

重質不中量。

大部份嘅時間可以留返比自己，

不過記住要俾身邊嘅人知道

你對佢哋嘅關注同重視。

呢個原理亦都比較顯眼，

所以你嘅一句|都會有人睇到，

如果身邊有心儀對象嘅話

就要好好留意自己嘅言行，

甚至係你post啲乜上social media喇～

事業：

今個月可以做少少賺多多，

就算唔係賺得真金白銀，

亦都可以賺取時間或者認同。

呢個月你辦事能力好高，

亦都料事如神，有洞察力，

所以事業上面得心應手，

能夠做出一啲幾好嘅決定。

天蠍座

整體：

繼續成功嘅樣子喎。

愛情：

呢個月你開心自在，

你嘅正能量令大家都俾你吸引住，

但係你會忽略咗其他人嘅存在，

雖然自己過得好開心，

但係卻忘記咗同人互動，

有時對方會懷疑你係唔係對自己冇興趣。

如果有目標人物嘅話，

就記住要問吓一啲關於「你」嘅問題，

而唔係講每一樣野都關於你自己。

事業：

呢個月全部人都望住你，

大家都羨慕你，

就算你自己唔覺得自己咁成功，

但係大家都睇到你嘅好處。

呢個月會散發一種令人想同你合作嘅氣場，

好想同你成為朋友，

好想同你成為同事，

所以你要嚴格咁樣選擇身邊嘅人，

千祈唔好來者不拒，

個個搵你傾啲嘢你又傾。

記住事業最終benefit嘅人要係你自己。

射手座

整體：

要有節制。

愛情：

今個月你實在冇乜心情去講愛情，

你有好多日常事務要處理，

自己嘅事同埋交際嘅事你會瞓得好清，

你希望九成時間都處理自己嘅事，

其實咁樣絕對冇問題，

只要心裏面感覺平衡就可以了。

講真呢個月你身邊嘅人都會識做，

未必會打擾你，

但係如果你想有戀愛嘅話，

咁你就要作出適當嘅時間起身啦，

你唔可以只係用10%嘅時間去交際，

但係又無啦啦識到大量新朋友㗎。

事業：

今個月記住收入一定要大過支出，

俾自己嘅時間一定要大過俾公司嘅時間，

總之今個月要自私啲，

月尾總結嘅時候要成為大贏家。

你有時對數字唔係太敏感，

可能做完一輪苦工之後，

收入同付出都唔成正比，

所以記住一定要計好呢兩條數。

如果你想開一個新嘅生意，

請先計好呢個生意會唔會攞走

你所有時間同資金。

山羊座

整體：

終於都會輪到你嘅

愛情：

講真，單身嘅你，

愛情應該仲未嚟。

適合嘅人仲未出現，

正面啲講，佢行緊過嚟㗎喇，

不過你都要俾啲時間人哋行過嚟㗎。

你嘅對象會係好正常嘅地方出現，

可能係朋友嘅朋友，

又或者係工作環境等等。

如果已經有另一半嘅你，

千祈唔好將你哋嘅活動變成例行公事，

一旦進入咗呢個模式，

就好難攞返戀愛嘅感覺。

事業：

機會係留俾有準備嘅人，

所以你乖乖地準備吓先，

因為有好多人同你係差唔多嘅位置，

又或者係好多人都同你爭取緊差不多嘅嘢，

只有默默努力嘅人

先至會儲夠分數去得到成果。

唔需要太outstanding，

腳踏實地交足貨就會得到成果。

水瓶座

整體：

唔好搞對抗

愛情：

今個月要將正面發大，

負面野盡量避一避，

例如大家討論嘅時候如果有爭拗一個點開始，

就好容易會引發世界大戰。

相反地如果將大家嘅浪漫感覺伸延，

二人際關係就會進入下一個階段。

有諗過結婚嘅情侶，

不如今個月再攞呢個話題出嚟傾吓啦。

事業：

知彼知己百戰百勝，

認識對方最好嘅做法並唔係在旁觀察，

而係真正去認識佢地，

從佢哋身上學習。

所以今個月不妨同前輩聯絡吓，

同你覺得做得好嘅人聯絡吓。

今個月如果對身邊嘅人有任何不滿，

記住你自己亦有可能擁有呢啲特質，

上天就係俾一面鏡你睇，

幫助你喺事業裏面成為一個更好嘅人。

雙魚座

整體：

感覺混亂

愛情：

你覺得自己係一個唔理想嘅狀況，

因為呢個係一個冇選擇權嘅狀況，

你想離開呢個狀況，

但係又有少少好似認咗命咁。

其實所有人都有選擇權，

如果狀況同環境唔可以改變，

你就嘗試改變你自己，

或者直接行開，離開呢度。

事業：

你似乎睇唔到自己有好多可能性，

今個月有啲隨波逐流，

見到大家都係咁，

覺得自己都係差不多。

其實你識得做嘅嘢並唔係單一，

其實你可以搵錢嘅方法有好多，

如果你想搵多啲嘅話，

就要靠你自己去開創，

不過適宜慢慢嚟，

適宜投放喺一項可以做得完嘅項目，

並唔係用嚟賺快錢嘅項目。

記住，你唔想做嘅嘢應該冇人逼到你做。

十月。似乎大家今個月都平衡少少，

生活冇咁crazy了。

睇吓今期星座啦～Let’s Go!

白羊座

整體：

今個月其他人好難明白你喎。

戀愛：

今個月實在諗太多野，

思想唔算混亂，

不過只怪在你越諗越深，

越諗越遠，

有時已經諗到離開咗原本嘅主題。

身邊嘅人都嘗試進入你嘅世界，

不過跟唔上進度。

你就好似一間凌亂嘅房間，

只有你自己知道啲嘢擺喺邊。

想同身邊嘅人好好建立關係，

可以將談話內容變得簡單，

最近唔係好適宜討論甚至辯論，

好難會得到好氣氛。

事業：

你知道係時候要作出一啲改變，

心裏面有個想改變嘅感覺，

但係你講唔出你自己想點，

所以會有一點迷惘嘅感覺。

其實而家你嘅狀況冇任何急切性去作出改變，

你適合逗留喺一份穩陣嘅工作，

能夠俾時間同自由度你去思考，

似乎出年會比較適合你作出重大嘅改變。

到達right timing嘅時候你就自然會知自己想做乜。

金牛座

整體：

需要私人空間。

愛情：

呢個月會對獨處時間有啲渴求，

如果係戀愛中嘅人，

記得一定要有返一啲私人時間。

唔係要喺私人時間裏面完成100樣工作

而係需要一啲能夠放鬆，

同自己好好相處嘅時間。

係唔係單身都好，

似乎今個月自己比其他人重要，

而這是正常的，不是自私。

事業：

因為今個月懶得同人溝通，

可能會錯失一啲機會，

因為從活動當中會產生一啲新嘅機會同火花，

建議單獨行動嘅時候將所有計劃先思考好，

然後跟同事或者客人互動嘅時候

就可以有一個充實嘅對話，

從中得到最多嘅好處。

雙子座

整體：

呢個月要求十分之高。

愛情：

你對另一半嘅要求特別高，

如果係單身嘅話，

你會好難睇得起一個人，

包括你朋友嘅男朋友或者女朋友

你都會睇到好多缺點。

唔係你唔想戀愛，

而係你完全搵唔到一個對手去投入，

如果你正在戀愛中，

今個月好容易睇唔順眼對方做嘅所有嘢，

建議你都係冷靜處理，

因為發生同一件事，

喺下個月可能你已經唔嬲或者唔會嫌棄。

事業：

呢個月事業運不錯，因為你目標明確，

堅定地向着目標前進，

所以事情應該會喺你預計之內發生。

除非你被身邊嘅人影響倒，

如果唔係應該幾順利。

巨蟹座

整體：

點解咁負面啊諗嘢？

愛情：

呢個月仍然好感性，

仍然好敏感，

對方一個emoji你就幻想咗好多嘢出嚟，

而且多數都係負面嘅嘢。

如果本身有少少自卑

你就會諗到所有嘢都好差。

你要記住你今個月帶咗一副眼鏡，

遮住咗自己，望唔到自己嘅優點。

有冇另一半都好，

需要有返啲自信先至有運行。

而且你今個月嘅行動性好低，

如果想有任何進展似乎唔係一個良好嘅狀態。

事業：

今個月有啲懶，

工作嘅事唔係好想理會，

其實冇乜問題，

不過最緊要唔好俾人睇知道

我指同事老闆同埋客人等等。

懶都要懶得聰明，

如果唔係就算冇做錯嘢

都會影響你嘅聲譽㗎喇。

獅子座

整體：

好想大家聽你話，但係佢地未必聽

愛情：

戀愛中容易出現爭執，

多數都係因為大家都想自己拗贏，

而你多數係強勢嘅一個，

對方有時冇繼續討論，

唔代表佢個心已經冇嘢。

呢幾個星期唔建議太多伸延性嘅討論，

多啲一齊have fun會比較好。

單身嘅人就快啲搵人同你have fun啦。

事業：

今個月辦事能力高，

公司知道唔可以冇咗你，

如果你有下屬嘅話記住要對人哋好啲，

唔好成日覺得人哋蠢，

需要比時間人哋成長，

遲啲先至可以有你咁醒㗎嘛～

處女座

整體：

繼續心情靚，今個月有動力～

愛情：

呢個月你實在太吸引，

真係吸引異性同性嗰隻吸引，

令人嚮往同埋心心眼嗰隻吸引。

所以唔好自我關閉，

就算喺網上都可以活躍一啲。

如果有另一半嘅話，

佢呢個月見到你嘅可愛之處，

所以應該爭取時間多啲互動同見面。

事業：

今個月好靈活好醒目，

好多idea，適宜為自己做長遠嘅打算，

又或者係做一啲創作嘅工作。

不過因為你呢個月好熱心，

所以千祈唔好將所有時間用咗嚟幫其他人諗嘢。

天枰座

整體：

今個月認真看人生

愛情：

呢個月尾開始諗將來，

未來嘅日子究竟會點，

想唔想自己一個？

或者想唔想同身邊嘅人進一步。

呢個月當你想認真嘅時候，

如果你嘅另一半唔認真，

你就會感覺大家好唔同步，

覺得好失望。

希望你能夠搵到一個同你同步嘅人。

事業：

可能會有一個新開始，

可能會有突如其來嘅事發生，

但係你要記住，

全部嘢都只會發生喺一個最適合嘅時間，

你只要繼續勇敢向前行就可以了。

老土啲都要講，明天會更好。

唔係鼓勵嘅說話，係塔羅嘅預測。

天蠍座

整體：

充滿力量，成功。

愛情：

呢個月你有一種吸引力，

令人想倚靠你，你也因此感到存在感，

小心坐正咗喺呢個角色，

尤其是如果未同對方一齊嘅話，

小心做咗兵，

不停為對方解決問題，

做咗好多同浪漫無關嘅事。

事業：

有冇諗過創業，

又或者做領導嘅角色？

今個月你就有呢個力量，

如果想做就積極做，

有任何想向前嘅動作都可以做喇。

如果要同其他人合作，

或者你仲係小薯仔嘅話，

講嘢要小心，唔好太鋒芒畢露。

射手座

整體：

需要整理舊事才可以向前行。

愛情：

今個月唔係好ready去接受人哋對你嘅好，

就算身邊有好愛你嘅人，

你都未必可以接受佢哋嘅愛。

唔係因為你完全冇感覺，

只係你有啲舊記憶飄左出嚟未清理好。

處理舊記憶有好多方法，

不過唔係要忘記，而係要接受佢嘅存在，

不過唔好俾佢影響今日嘅你嘅情緒。

事業：

今個月其實狀態唔錯，

不過須在不停懷疑自己，

搞到有時拖慢左行動或者決定，

不如試吓大膽少少相信自己，

因為你身邊嘅人都欣賞你，

其實大家都睇到你嘅強項㗎。

山羊座

整體：

心事重重，心散心散

愛情：

呢個月唔知自己想點，

行動性又低，

又唔係好恨戀愛

不如今個月少啲應酬，

費事越見多人心裡越混亂。

事業：

呢個月嘅你實在係懶洋洋，

好適合去旅行嘅月份，

可惜可惜。

留返啲精力享受人生啦，

如果做急趕嘅工作你小心會出錯，

對住強勢嘅人就自己楊一樣路，

因為你而家嘅氣場唔會夠佢鬥。

水瓶座

整體：

青春能量，充滿活力

愛情：

你想點做就點做，

絕對不可以守株待兔，

因為今個月必須由你採取行動。

今個月你心想事成嘅能量幾大，

所以你一定要把握時機，

做多啲俾人睇得見你嘅嘢先至會吸引到新戀情嘅誕生。

事業：

今個月終於有人發現你嘅好處啦，

之前未必見到你，可能你係實幹型，

可能你係初來步到，

總之今個月你就會自動地發揮光芒。

不妨多啲同上級又或者前輩溝通，

佢哋會覺得你十分之勤奮同埋上進。

如果同人合作嘅話，小心你會做埋人哋嗰份。

遇着懶人嘅話，你就要坐上去分派工作嘅位置，話俾佢聽佢要做啲乜。

雙魚座

整體：

細心慢慢做，成果在將來

愛情：

今個月你嘅溫暖同埋溫柔

身邊嘅人都能夠感覺到

好似粉晶咁，大家都想親近你。

不過講真你今個月好似想有啲me time多過想同人交際。如果真係有對任何人有興趣，

至少都要俾人知道你想進一步，

不過最近有啲忙之嘛～

唔好因為又想自己一個宅在家而錯失良好機會呀。

事業：

今個月好適宜學習，

或者至少睇一啲有意義，或者有嘢學嘅影片，

因為如果攞咗今個月嘅能量去煲劇嘅話，

好似有啲浪費。

喺工作方面，經驗都好重要

所以盡量放膽去試落手做多啲，

你要爭取嘅係經驗，而唔係表現

當你學習左，穩定咗，先至再去諗表現啦。

每月星座運程

2020 SEPTEMBER

九月，好混亂！

好多令人分心的事，好多選擇。

點先可以作出最適合嘅選擇呢？

睇吓今期星座啦～Let’s Go!

白羊座

整體：

優勢在你這邊。

戀愛：

不要看小自己，

這個月其實主導的人是你。

無論你認識了一個新朋友，

還是你已經在一段關係中，

總之你們是前進或後退，

暫時都是由你做決定。

不過，做決定不要太慢，

因為這個狀況只會維持一個月左右，

之後就未必是你話事㗎喇。

事業：

不要衝動，如果有老闆的話，

他很賞識你，也相信你，

他很welcome放手讓你做決定，

所以你要把握機會，

利用這個時間去表現自己。

_____________________________________________________________________________________________

金牛座

整體：

情緒不好，不滿，不安。

愛情：

對愛情沒有信心，

覺得人性難明又複雜，

有種絕望或心痛的感覺。

建議看看愛情美好的一面，

先對這件事重拾信心，

然後才去發展一段新機會，

或者跟另一半改善關係。

事業：

這個月覺得自己付出跟收入不成正比，

覺得不滿，不公平，

但你選擇啞忍。

改變不了狀況就改變自己心態，

很快就會有署光出現。

_____________________________________________________________________________________________

雙子座

整體：

你竟然拒絕社交？

愛情：

這個月沒有看上任何人，

對這件事提不起勁最，

直情不想出街。

其實多些留在家跟自己相處，

全心全意愛自己先，然後你便會遇到對的人，

或者更懂得愛你身邊那個人。

事業：

過份執著自己的想法，

但未必每個人都明白或認同，

建議所有事輕鬆面對就好了，

尤其是不關你事的事

例如：別人的生意，不是你的生意。

_____________________________________________________________________________________________

巨蟹座

整體：

有點難相處喎～

愛情：

這個月你比較敏感，

很容易有情緒，很在意別人對你的意見，

害怕對方不滿，充滿負面的幻想，

危機感重重。

對自己有些信心吧，

盡量表現真正的樣子，

不要顧慮太多了！

其實你在別人眼中很可愛，

只有你一個人不覺得如此。

事業：

看似風平浪靜，

其實身邊充滿機會呀！

不要太內向，周圍打探，

social少少對你有幫助。

貴人/機會/靈感就在身邊，

不要死守一個位置。

_____________________________________________________________________________________________

獅子座

整體：

眼光闊大一點

愛情：

小心三角戀，

留意心儀對象有沒有其他目標。

開心事容易令你沖昏頭腦，

分不到對錯。

總之，發展不要太快，

暗戀也好，已經是一對也好，

慢慢來，多些心靈了解比較穩陣。

事業：

做事積極，可是有時太心急，

容易犯careless mistake，

身邊的人都幫不了你，

自己看緊一點，

記得飯check再返check，

尤其是不可以出錯的文件。

____________________________________________________________________________________________

處女座

整體：

心情靚，懶洋洋是OK的。

愛情：

這個月不要太忙碌，

約會不要全部都去，嚴選吧。

你的時間十分寶貴，

不要花時間跟無謂人聯繫，

情願自己休息養生。

別人對你很嚮往，你不用刻意做什麼，

就讓他們在自己的時間想念你。

事業：

適合做organize，領導，教育，給方向等等工作。

都是那一句，不要太忙碌，因為你會很不願意。

這個月適合用腦，理性思維，解決問題等等。

_____________________________________________________________________________________________

天枰座

整體：

對前路感到迷惘

愛情：

在情感世界裡覺得自己一個也不錯，

會有看不起，嫌棄別人的想法，

比較看到他們的缺點。

其實別人是你的一面鏡子，

你也會有其他人不欣賞的地方。

建議溝通，觀察，不要太早把門關起來。

事業：

短期沒有問題，

但如果問你對前景有什麼看法，

你會感到迷惘。

這個月你想強裝你很OK，

知道自己想怎樣，

其實自己對未來沒有信心。

建議找一些能給你安全感的人相處，

或者運用一些令你感覺安穩的晶石。

_____________________________________________________________________________________________

天蠍座

整體：

好奇，嚮往，想行動。

愛情：

雖然你對愛情充滿期待，

可是沒有給人容易接近的感覺。

你多數時間都是自己在空想，

現實世界裡覺沒有事發生過。

建議對見面，

單身的人就多出現在其他人面前。

你不主動出現的話，

大家不會知道有你的存在。

事業：

如果想轉方向的話，要有周長的計畫，

不可以衝動，觀察，research的時間要比較耐，

總好過中途有問題才沒事找資料。

說話要謙卑一點，友善一點，

因為這個月你比較容易得罪人～

凡事諗清楚先講。

_____________________________________________________________________________________________

射手座

整體：

靜觀其變！你有權力控制局面。

愛情：

有很多都對妳有興趣，

但你不要花太多時間在一個人身上。

你需要多些朋友，

就即管跟每個人也來一點點相處時間，

你很快就會figure out那個人值得你花時間。

事業：

不要花太多時間親力親為，

這個月你適合做指揮，獻計，聯繫等等。

如果你發現自己勁ot，

你要知道過份工作對你沒有著數，

聰明地善用時間吧，

不是多勞多得的月份。

_____________________________________________________________________________________________

山羊座

整體：

請你向世界出發，你是個有用的人。

愛情：

這個月你會被需要，如果你有對象，

好好利用這股魅力吧。

可是，不要讓能力量吸血鬼纏著你，

包括你的朋友。

多多照顧你喜歡的人，

對其他人就不要有求必應了。

事業：

你的細心和工作態度大家也有目共睹的。

可以盡量幫助身邊的人，

現在不是個人表現與領功的時候，

因為大家需要團結。

找工作中的人，

請想想自己有什麼技能可以幫助一間公司，

能夠在行業中有什麼貢獻。

_____________________________________________________________________________________________

水瓶座

整體：

反應比較慢的

愛情：

你用心研究戀愛，但最終沒有定案，

因為你想太多，想太慢。

十分被動，單身的你守株待兔，

等不到太多事發生，

浪費太多時間。

想什麼事發生就採取什麼行動吧～

事業：

看似平平無奇的一個月，

你心裡其實覺得很難挨，

因為你有很多不喜歡的事都啞忍了。

沒有人知道你的不滿，

所以沒有人可以幫你。

ask for help啦，你人緣不差，

會有人願意打救你的。

_____________________________________________________________________________________________

雙魚座

整體：

越戰越勇

愛情：

衝動，疑心大，小心做出後悔的行為，

例如「分手」。

不要給對方太大壓力，

單身的你也不要給自己太大壓力，

單身絕對沒問題，不要心急。

這個月「溫柔」特別重要。

事業：

你覺得普通或簡單的工作，

別人卻覺得是你的優點。

不要看小自己，

你的工作已經成為你的專業，

嘗試享受工作，

讓自己發光。

（應該有人看到你的光芒）

八月，由暴風雨開始，

大家頂得住嘅！

所有答案就在你自己裡面。

Let’s Go!

白羊座

整體：

急速變化中，跟着氣流走動。

戀愛：

單身嘅朋友，似乎社交雲比戀愛運強勁，反正所有戀愛都有朋友開始，算是不錯吧。盡量多些與人連結（記住保持社交距離，自己諗辦法喇），上網識人那些單對單的活動反而沒有用。

已經有另一半的朋友，不要因為生活忙碌，又或者因為感情穩定而過分安心，不是會有什麼負面事情發生，只是怕你忽略了另一半。

事業：

不變應萬變，公司，生意，人事上或許會有變動，但你只要保持彈性，跟着變動中的大方向走動，你還是會stay on the right track。就算是你自己想作出改動，例如轉工等等，也是好時機，只要不慌不忙便可以了。

金牛座

整體：

你要幫助大家在變動中安安心心

愛情：

金牛這個月行動性很高，

如果心儀對象或者另一半

沒有跟你心裏的方向去做，

你就會變得很心急，

很想以行動來推動關係。

一定要看情況，如果你比對方更加急進，

小心弄巧反拙。

事業：

這個月不妨踏出第一步，

在腦內的計劃可以進行了，

如果你在一個團隊中，

你可以令整個團隊更有力量，

甚至乎令到大家向正確的方向出發。

如果你是公司裏的小說，

不妨找些機會謙虛地提出建議，

讓上司發現你的才能，

知道你原來有些不錯的想法。

還有今個月不要亂花錢，

因為你勁想花錢。

雙子座

整體：

這個月的焦點都落在你身上。

愛情：

這個月的雙子們十分耀眼，

好好享受大家的關注和愛，

趁這個時候好好表現自己，

你的一舉一動大家也在看着，

可是他們都不會批判你，

多數都是深深眼。

所以在心儀對象面前記得不要太怕醜。

事業：

沒有什麼特別的一個月，

不過容易對工作失去熱情，

有「不知道返工為了什麼」的感覺。

其實這樣也對事業沒有大影響，

不過不要讓這感覺變成負面情緒。

專注在自己的生活上啦～

巨蟹座

整體：

很想滿足所有人，苦了自己

愛情：

這個月你是充滿魅力的，

你是被需要的，

無論是你的愛還是你的關注，

總之浪漫與否的人也被吸引過來了。

請你不要盡量滿足每一個人，

尤其是如果你想發展一場戀愛的話，

因為你的時間有限啊！

事業：

你的角色十分重要，是其他人的支援，

你只要每人幫一下便夠了，

不要把全部工作都放在自己身上。

你的付出是有目共睹的，

你的重要性大家也清楚，

記住勤力之餘也要善待自己，

因為講真這個月你幫人多，

能夠幫你的人卻沒有幾個（cry）

獅子座

整體：

面對自己的情緒

愛情：

這個月你會很想思考，

很想探究自己的狀況，或是關係的現況。

你潛意識內的信號在呼喚你，

你有一些不能再逃避的想法/情緒，

好好面對，清空，潔淨

你才能讓自己好好運作，

好好去跟自己或別人談一場戀愛。

事業：

對前路感到迷惘，不緊要，

你有的是時間，

你需要思考，不用急著做決定，

反正你都未ready。

聽自己內心的聲音好過去問人，

太多建議會把自己打亂。

處女座

整體：

一切順利，身邊的人也受惠

愛情：

這個月可以很active，

但會給人一種：

「她很忙，未必看到我」的感覺。

如果你有心儀對象，

麻煩不要怕醜，不要扮不在乎，

要讓對方知道「我在看著你」

你露面比較著數，

就算不出街也不妨post多幾張相。

事業：

感覺上很忙，但辛勞了一天之後

也不知道自己做過什麼。

可能在公司做了一天的瑣碎事，

沒有什麼意義的事，

總之這個月就是事倍功半。

如果我是你，我不會multi task。

用正常的節奏把工作逐一完成，

千祈不要貪快走捷徑，

不專心也會容易犯錯。

天枰座

整體：

運氣在前面，等多陣先

愛情：

單身朋友，想戀愛就不要停止認識新朋友，

你的新機會就在不遠處，

還未遇到，可是接近了。

有另一半的人，

你們可以計畫一下下個階段想怎樣走了～

應該時間不會為你們停留，

機會是留給有準備的人。

事業：

想轉工？等多陣，就到你。

想轉行？一定要是一個上升，

職位或人工要比以前好才好轉。

這是一個耐性的考驗，

把心定下來，

繼續努力多一點時間再算吧。

天蠍座

整體：

有點小運氣，小聰明

愛情：

這個月你很討人歡喜，容易令人愛上你，

如果對方是容易愛上人的人，

你千萬不要立即全程投入，

適宜用多點時間相處和觀察，

不要做出後悔的事。

有另一半的你，

這個月可以享受一下被照顧，

因為他對你有一種「那你沒辦法」的感覺。

這個月比較願意聽你的話。

事業：

這個月你充滿自信，

很多天馬行空古靈精怪的想法，

你的確充滿創意，

可是有些太不切實際，

不是每一個想法也能夠實現出來的。

最好多些與人溝通，

讓比較實際的人跟你取個平衡。

射手座

整體：

享受人生，進入豐收期。

愛情：

戀愛方面急也急不來，

不是每一個人也會愛上你，

可是懂得欣賞你的人大有人在，

他們也能看出你特別之處，被你迷倒。

有另一半的你，

請抽多些時間出來溝通，

說說心底話，這個月適宜話題go deep

事業：

這個月不要匆匆忙忙，

做好最重要的份內事便夠了。

這個月適宜為長線計劃，

研究一下怎樣理財。

山羊座

整體：

是危險還是機會，自己去控制。

愛情：

你從來都很容易跟人意見不合，

只是你性格沉實，習慣沒有表露出來罷了。

可是這個月你會忍不住想發聲，

尤其是聽到跟你心裡相反的意見時

這個月你的嘴巴會忍不住發聲。

究竟這是有營養的對話，

能夠表現你智慧的對話，

還是鬧一場交？

完全由你去控制。

（變成鬧交比較容易，自己留意返）

事業：

似乎你有機會上位了，

競爭對手不多，

可是不要輕視別人的能力。

要對自己的實力有信心，

要努力展現你的能力，

不要奢望別人自己去發掘，

因為分分鐘你身邊也有個耀眼的人。

水瓶座

整體：

玩你就叻～

愛情：

這個月不能太認真喎，

你都沒有心情去傾正經事，

甚至想逃避。你要讓對方知道，

最近你只想活在當下，

暫時不要掀起太多壓力的話題。

待你們開心相處後，

其實關係也同時鞏固，

到時就可以談一些更認真的話題了。

事業：

這個月一定要work life balance

如果你一旦失平衡的話，

工作上容易出錯，

日常生活也會感到不滿足，

會開始想逃避返工，

結果每朝醒來都不快樂。

所以這個月你大條道理給自己足夠的娛樂～

雙魚座

整體：

有大將之風，準備接受挑戰

愛情：

這個月看似很獨立，強悍，

令對方誤以為你沒有情感的需要。

如果你是單身的話，不論男女，

請你記住表現你的溫柔，

表現你的細心，show love to others才會有機會。

事業：

這個月上天給你很大的能量，

請確認你自己是充滿自信，

充滿勇氣，

前路可能會有新挑戰，

你一定要積極面對。

縱使有戰友，這個挑戰還是屬於你一人的。

經過這次挑戰你便能進發到下一階段。

如果你想轉新工，新行業，甚至自己創業，

記住一開頭永遠是最麻煩的，

開了頭之後便會容易走下去了～

加油！