無拍拖同無拖拍嘅分別就喺呢度。
「無拖拍」就係想拍,但係無,有啲楚楚可憐嘅感覺。自己話自己都好啲,如果話人「你無拖拍」就是等如「你無嘢做」「你無錢用」「你無身材」咁樣。有時放假,屋企人問我係唔係「冇生意」,我覺得聽落去十分之唔順耳,然後我會更正佢地,我今日「放假」 ,即係唔會安排工作今日做。
「無拍拖」係一個選擇。自己選擇拍或者唔拍。如果有人出現,到時再作選擇。但係上面無拖拍嘅人,就係「如果有人出現就正喇!」嘅感覺,「你就好啦有拖拍」嘅感覺。「無拍拖」係唔會問人哋有冇仔/女介紹,但係冇拖拍嘅人就會用方法去識人,因為佢哋覺得有呢個需要,而點解有需要?就係因為心裡面有「欠缺」嘅感覺。就等於你個胃空虛你先要食嘢,你個心空虛你咪有衝動搵個人去填補。冇話啱定唔啱,但係呢份空虛嘅感覺應該由你自己個心話俾你聽,而唔係你身邊嘅人,或者傳統觀念話俾你聽「你冇拖拍,你爭緊啲嘢,你空虛啊」
一個人唔一定要有戀愛先至係complete,一條命可以分成好多段時間,有家庭,有事業,有理想夢想,有寵物,有朋友,有宗教,有愛情等等。你嘅寵物可能佔你60%嘅時間,有啲人會選擇全部時間畀晒教會,有啲人疊埋心水做家庭主婦。全部都沒有問題,你條命,你自己啲時間,你有權作主點樣去分配同埋運用,並唔係世界話俾你聽一定要有戀愛人生先至圓滿,就正如結咗婚都唔一定要生仔,雖然有人話生咗個仔先至覺得自己人生圓滿,但呢個係佢自己一個人嘅感受,唔通所有決定唔要小朋友嘅人人生都唔圓滿?唔通所有單親家庭都唔圓滿?唔通修女唔結婚,冇愛情人生就唔圓滿?
兩個人之間嘅愛情係美好嘅事,但愛有好多種,做人亦都有好多選擇,只要你自己覺得圓滿就是圓滿。題目嗰句「唔得閒鍾意你」就係話俾你聽,本小姐好忙,忙搵錢,忙孝順父母,忙住玩貓,忙住hea,總之冇時間分到出嚟鍾意你。我個人生已經滿到瀉。
農曆新年快到,如果各位單身人士又俾親戚問你幾時拍拖,你會點樣答呢?
我會答:個天會有自己嘅安排,時候未到咪無囉~
讚讚
YOLO!
讚讚
搵到mr.right就拍啦 唔急嘅 青春多的是
讚讚
要拍嗰陣就會拍,同發達一樣。你幾時發達?
讚讚
「最近去完日本又買左幾份模型
屋企又有幾盒
好忙呀
等我砌晒先諗
砌完仲要煩放邊度好喎
btw啱先又心郁郁想砌架AE86喎,你知啦,買唔起真車玩下模型車都開心嘛…
(下刪五百字)」
讚讚
“緣份未到,我都冇計ga🤷♀️“
讚讚
下次下次 下次大概可以~
能碰著誰 成為幸福小姐一次~
🖤🎼🖤🎼🖤🎼🖤
恭喜恭喜🉐🉐🉐🉐
讚讚
「到時有得飲就會通知你㗎啦~係呢 你個孫又結咗婚未呀?」
讚讚
我會話我人生豐富到不得之了,時間太少,暫時未到愛情這部份,呵。
讚讚
我會答:「第時抱孫通知你」
讚讚
我會答佢:Г而家好無? 😊(要加笑樣)」
讚讚
唔知喎。喱個問題同你幾時發達一樣咁難答,不如你答左我先?
讚讚
雖然好想同呢班人講:關你鬼事咩 顧掂你自己先啦!外加一隻中指。。但話哂都糸長輩黎 要佢收聲都要d禮貌既 😂 我諗我會同佢講:結婚話你知啦~
讚讚
答佢:你個問題好好!我決定而家去黃大仙問問佢!bye~
讚讚
可遇不可求
讚讚
雖然唔洗拜年見親戚,平時見朋友都被問做咩唔怕拖?我一概都答我唔需要,我嘅人生裡面,拍拖唔係第一位,而係排到好後,有時間我寧願留係工作上,或者自己行街、旅行、係屋企陪屋企人。(p.s. 咁凍嘅天氣,返自己被窩訓好過浪費自己時間去相睇呢啲無謂活動)
讚讚
答佢地:遇到岩 想拍咪拍囉
讚讚
等緊你介紹喎 你又無貨
讚讚
有消息會通知你。 (臉上keep住假微笑)
讚讚
慢慢啦 我都唔急
讚讚
又問?你悶唔悶呀?
讚讚
個個都拍拖,唔通個個都想拍拖咩~
讚讚
我都覺! 點解我一定要拍拖呢?
再者 通常咁問得既親戚都係拜年先見 就算我有拍拖再散埋都唔知啦 😛 又要解釋一餐
所以我只會敷衍加轉移視線: 無呀無呀 夷電視做緊咩呢?
讚讚
keep住打機唔理佢地 😛
讚讚
我會答:太多對象揀唔知揀邊個好。
讚Liked by 1 person
🧛🏻♀️ 喂!你快啲WhatsApp個巫婆領獎啦!97685388. WhatsApp好喇,唔好打電話wor,佢唔鍾意㗎(佢有好多嘢都唔鍾意㗎)
讚讚
我琴日咁答:“我自有安排同計劃,係適當時間執行適當計劃,永遠都在對的時間自然同對的人就做對的事”
讚讚
差唔多有架喇~
讚讚
我自己知自己事啦!
讚讚
單身時冇人like,拍拖先多人愛。
讚讚
我會答:識法何必破法呢
讚讚
「有再話你知。」
讚讚
我會答:連我自己都唔會去追問,因為未黎到就代表時機仲未適合!
讚讚
我會答:連我自己都唔會去追問,既然未嚟到即係代表時機未適合!
讚讚
之前有朋友都問過我有冇拖拍呀,我話冇,唔需要。然後朋友當住成班人面前話我覺得你應該都係攬住啲貓貓狗狗過世架喇,嗰陣係有啲嬲(我知佢係講下笑姐),不過諗諗下其實我同邊個一齊,同邊個過世關其他人咩事姐?當然如果真係有對的人會考慮拍拖,但係冇咁又點,一生人唔係淨係得戀愛,只要我開心就得啦,條命係我嘅,我中意點就點,你覺得我好孤獨咩?sorry喎我好enjoy我嘅生活。
每次同某啲親戚/朋友食飯都問呢啲問題,我一係直接避免同佢地食飯,一係就答:冇呀,我真係諗住同我啲寵物過世喎 😛
讚讚
我會答:個個拍拖,唔通個個都想拍拖咩
讚讚
拍拖唔係既定程式,要同一個岩咀形既人一齊先會開心,求其搵個人拍只會後悔,況且自己有計劃就每日都過得好充實,跟本無時間理你😌
讚讚
答佢地:唔得閒拍拖 🤗
讚讚
喂呀~等六姑你有男朋友我再話你知~
讚讚
拍拖第1日,就會係拍拖嗰日
讚讚
我會答:唔洗你擔心啦😄
讚讚
我會笑而不語
睇下佢地幾時覺得尷尬
讚讚
唔得閒
讚讚
好快,等下添啦。
讚讚
My answer will be : I’m looking forward too. 😄
讚讚
咁你呢?幾時再結婚
讚讚
下
有時間得閒拍拖我寧願敷多個mask做多個facial
讚讚
我會答 而家享受下單身先啦 而家唔享受遲啲冇呢啲時間架啦XD
讚讚
其實有時自己一個人都可以好幸福,一個人可以用嘅時間都多d啦❤️平時d時間已經唔夠用難道仲要拎d時間去拍拖嗎?😂可能我還是愛自己多過愛人吧
讚讚
我選擇講:「我唔去拍」
我覺得見唔到將來可能性嘅戀愛,與其經歷開始終結,不如唔好開始。
Be a better me, the best is yet to come
讚讚
你問下我第時位男朋友啦:)
讚讚