2021 十月星座運勢！🌟

Let’s Go!

🌈白羊座

整體：

係時候面對未整理好嘅問題

戀愛：

以往喺處理愛情方面未必做到最好，

喺急於開始一段新關係之前，

不如先自我檢討一下，

等自己唔好重複犯錯。

已經有另一半嘅人，

你地有啲問題大家一直視而不見，

如果想關係良好持續

不如大家正視一下

唔好再扮睇唔到。

事業：

保持深藏不露

隱藏實力比較好

暫時係練功嘅好時候

未係時候要衝出嚟住，

當你真正ready你就會知道。

投資或者做生意都係

你而家未蒐集足夠資料或者未夠資金

總之預備多一陣先

人少少幫手就OK

整個計劃暫時不用講俾全世界知。

🌈金牛座

整體：

分享能夠帶來更躲

愛情：

你身邊嘅人

或者你嘅另一半

而家十分需要你嘅愛同關注

尤其是正在渡過難關

或者心情唔好嘅人

如果你而家關注佢哋

佢哋會好深刻咁樣記住

應該唔會將你friend zone

事業：

似乎你有啲唔錯嘅idea可以攞出嚟

唔好計較自己嘅身份地位

唔好覺得自己喺公司好卑微

好主意就係好主意

可以發光發亮嘅時候到了

可以擁有存在感嘅時候到了。

如果有啲做生意嘅新想法

即管攞出嚟試吓。

雙子座

整體：

最近做什麼或不做什麼都引人注意

愛情：

最近你令人充滿好奇心

好多陌生人會對你有興趣

想結識你或者同你熟啲

但係佢地被吸引過嚟嘅原因

並唔係因為佢哋見到真正嘅你

所以你亦都唔需要每個回應

如果有對象嘅話

唔需要繼續保持神秘

快啲俾佢認識真正嘅你會比較好

因為佢再幻想落去嘅話同現實可能有反差

事業：

最近適合話事，或者單獨行事

一定要有自主權

如果工作係主要被人擺佈嘅話

你得到嘅都會好少

如果份工係咁冇得避免

咁就需要喺生活其他範疇

感受呢一個主導權

甚至係帶領嘅能力

話事人嘅感覺

因為今個月你成個人嘅運氣同埋狀態

都應該係咁樣。

🌈巨蟹座

整體：

心靈時間，自我療癒嘅一個月

愛情：

今個月你會好感性

對往事或者而家發生緊嘅事

有好多體會

如果呢個時候經常同另一半傾談

可能佢會覺得你好敏感

可能佢會覺得你諗太多

但係呢個係你自我療癒嘅方法

適當嘅感性同埋思考

唔係鑽牛角尖

咁樣係正常同健康的

呢件事唔需要同人分享

你可以繼續正常跟新款溝通社交

但係自我療癒嗰啲心靈嘢

你就留返私人時間做啦。

事業：

對於公司裡面嘅人有啲失望

如果你係自己做生意嘅

可能對你industry嘅對手又或者客人

失望或者不滿。

將觀察到嘅嘢既係心裡面

（唔好咁易同人分享）

將會成為有用嘅資料。

🌈獅子座

整體：

活躍啲，出去社交應酬下啦

愛情：

要識人嘅話

一定係透過社交gathering

繼續匿喺屋企上網識人冇乜用

傾黎傾去都係咁

一係就快啲約出嚟。

有另一半嘅人

唔好成日屈係屋企睇Netflix

出去多人嘅地方

又或者多啲共同活動可以增進感情

因為對住其他人嘅時候

你地就更加感覺到係一家人

事業：

今個月唔可以太孤寒

你嘅手足或者手下

或者幫助過你嘅人

今個月要回饋下佢地

記住你對大家好大家就會對你更好

如果做生意嘅話

今個月可以搞啲優惠活動

同你嘅客戶建立良好關係。

🌈處女座

整體：

今個月做嘢未必有人明，唔緊要㗎。

愛情：

其實今個月你比較喜歡自己一個

唔係唔需要關係

不過你需要大量嘅私人空間

成日覺得唔夠時間用

唔想分享你嘅時間出去

如果喺關係中就應該同對方溝通清楚

俾佢知道你而家嘅狀態係咁樣。

如果尋找緊另一半嘅話

今個月放慢腳步enjoy自己

可能會散發更吸引嘅氣息。

事業：

係呀今個月未必人人都明你想點

如果溝通都解釋唔到嘅話

請你採取行動

令大家知道點解你認為呢件事會work

今個月做好時間管理

效果就會十分理想。

🌈天枰座

整體：

幽默感，吸引力，亮麗嘅一個月

愛情：

今個月好難收埋自己

因為你實在太注目了

就趁呢個月認識多啲人

或者見多啲另一半

令大家有更多時間去愛上你。

必須要真人互動先做到呢個效果

就算你post 100幅靚相

都唔夠你出嚟同人傾一次計咁吸引。

事業：

適合做拋頭露面嘅嘢

例如出嚟同人開會

例如入房見吓老細

擺自己出嚟做生招牌

或者同客人應酬等等。

呢個月多數你講乜人哋都會應承

因為大家都唔會抗拒你

好好利用今個月嘅氣場

建立多啲關係攞多啲機會。

🌈天蠍座

整體：

一語中的，但可能能醫不自醫

愛情：

今個月給人一點距離感

想跟你接近但係又有啲驚

驚你覺得佢低B

驚你覺得佢講嘢無聊

驚你覺得對住佢好悶

如果你想結識對方你就要主動啲

比對方知道其實你OK。

另一半今個月都唔係好read到你

唯有什麼都畫公仔畫出腸一啲

事業：

今個月你會睇到人哋睇唔到嘅嘢

例如一個計劃嘅漏洞

或者事件方向錯咗。

不過最好有人主動問你你先指示方向

如果唔係好容易變咗多事。

至於你自己嘅事業

你就絕對有洞察力

唔需要多問其他人意見。

🌈射手座

整體：

今個月必須要自我感覺良好

愛情：

多啲留喺屋企，

休息多啲食啲好嘢

對住屋企嘅寵物攞啲溫暖

總之今個月你心裡面有溫暖有愛

你嘅吸引力自然就會高

而溫暖同埋愛主要來自自己

屋企人，朋友同埋寵物。

事業：

俾心機搵錢， upgrade你嘅生活

唔好胡亂揮霍

最好搵一啲有意義嘅錢

即係唔係齋投資嗰啲

如果喺工作裡面搵到意義

機會同金錢自然就會嚟搵你

🌈山羊座

整體：

人生裡面唔係每件事都會成功

愛情：

今個月比較膽小

對自己冇乜信心

想社交但係又唔想行出去

似乎今個月心裡面都成日囉囉攣。

如果唔ready就唔好迫自己出去

就算心儀對象約你出街

你不在狀態講錯嘢都係唔好的。

喺生活其他範疇攞返啲自信先啦

事業：

Keep住向前行千祈唔好停

就算係好細步咁行

就算條路行得比其他人遠

總之你用你嘅節奏慢慢向前行

你望到嘅終點你一定會掂到。

不適宜急功近利

亦都冇乜投資嘅運仔

今個月都係適宜實實在在咁樣做嘢㗎喇。

🌈水瓶座

整體：

細心有耐性，有成果。

愛情：

今個月你嘅付出

其他人會見到

喜歡你嘅人會感謝您

當你付出時，你自己內心都感到喜悅

對人好嘅時候同時你都療癒咗自己

所以如果你想對人好

最好就不問回報

真係你行Unconditional love。

事業：

今個月慢工出細活

適宜做一啲需要耐性

力求完美嘅事

公司會覺得你好盡責同埋要求高

你今個月做嘅嘢

會令到你有好嘅聲譽。

如果係自己搞生意

頭大半個月都可以默默耕耘先

花時間越多效果就越好。

🌈雙魚座

整體：

認定邊個係自己人，邊啲係外人

愛情：

今個月好容易分辨邊啲人同你夾

如果你新認識嘅人同你講嘢唔啱Channel

其實都唔需要再花更多時間去調教。

如果大家一拍即合就可以抓緊機會

今個月會吸引到同自己夾到嘅人

方法一定係溝通

一定係講嘢

一定係分享想法先至會知道。

如果同另一半其實從來都唔係好夾

似乎你要再諗諗呢段關係

係唔係值得繼續行落去

定係有其他因素可以令你接受

同一個唔夾嘅人一齊？

事業：

今個月可以自己打少少本出嚟做啲嘢

唔好傾家蕩產

不過絕對可以小事牛刀

只要做返自己熟悉嘅嘢就OK

即係如果有人叫你夾份做一個

完全未接觸過嘅範疇

咁就唔建議了。