2023 四月星座運勢！🌟
Let’s Go!
🌈白羊座
整體：
get ready先啦
戀愛：
好似冇乜動靜😐
冇乜嘢發生
其實你嘅戀愛運喺前面🤩
如果你心理上已經裝備好嘅話
佢就隨時都會出現👏🏻👏🏻👏🏻
即係如果嚟緊好耐都仲係風平浪靜
咁你就要留意吓自己內心深處
有冇啲未處理嘅舊事或者心事
或者一啲未處理好嘅關係。
有另一半嘅人
今個月重點好似唔喺對方身上😛
所以先處理好自己手頭上嘅工作
至少保持開心良好嘅狀態。
事業：
事業要將目標放得遠大一啲
你和其他人都把你看輕了
其實你的潛力無窮。
🏋️♀️經過磨練和經驗
你就會成為你respect的那種人
不要心急，要有plan🏔️
進修，儲錢都十分建議👍🏻
🌈金牛座
整體：
頭腦和洞察力最緊要
愛情：
今個月的魅力來自自信
即係當你冇自信嘅時候，
魅力會大減
就算在網上溝通也是
所以盡量大大方方
戒掉呢啲emoji：🫣🙈🥹🥺
溝通，只要直接簡單
講出心中所想
對自己喜歡的是直接講
唔好介意人哋點樣睇
你就會引來欣賞嘅目光
就算你係暗戀人嗰個
都唔好覺得自己係下靶
盡量爭取機會展現自己嘅魅力啦。
事業：
今個月唔應該下下自己落手做
如果發現自己太忙嘅話
睇吓有冇辦法將啲嘢交俾其他人
如果工作上真係太忙嘅話
睇吓日常生活有冇嘢可以交俾其他人
總之今個月要好好用人
唔好將全部工作都攬晒上自己身上
最適合做，就係管理
又或者係自己做生意
做秘書或助手之類都好
總之將所有嘢安排分工比其他人做就最好
今個月不宜有太多動作
宜守不宜攻
有錢都唔好大洗
所有嘢睇定啲先。
雙子座
整體：
靠實力，不靠運氣
愛情：
😛今個月唔係太起眼
如果想有着落嘅話，就要努力啲
努力啲出街，努力識朋友
努力啲撩人傾偈。
🥸如果覺得做呢啲嘢太攰嘅話
今個月就唔好太大期望
將所有專注力放喺工作度先啦。
有另一半嘅話💃🏼🕺🏻
需要好好落力維繫關係
唔好所有嘢老奉
或者例行公事咁
因為今個月魅力不足
要靠相處嘅時候製造開心
事業：
今個月嘅努力係將來會有回報🤑
但係唔係今個月就會見到回報👻
你而家喺過程中嘅其中一個關卡
😒可能要做一啲重複性嘅工作
😒可能要做一啲你唔喜歡做嘅工作
🙂但係全部都係為咗將來
所以暫時做住先👍🏻
其實有人睇到你嘅努力
不過冇高調咁樣講出嚟
🌈巨蟹座
整體：
突然間有好多嘢想做！
愛情：
今個月好貪心
🤡🤡🤡乜都想要
如果係同一個人身上，
唔可以滿足你所有嘅嘢
😲可能你就會對其他人好奇
所以呢個月要小心三角戀
四角戀等等🫠🫠🫠
而且今個月想要刺激感
呢個慾望好容易將你捲入三角戀😩
總之個人有返少少定力🔒
嘗試將呢個心態放喺其他範疇比較好
🕺🏻🕺🏻🕺🏻例如變成工作上嘅野心。
事業：
係啦，事業可以充滿野心
🤩好似有好多新機會
🤩好似全部都會work
🤩好似全部都幾好玩
呢啲係你嘅直覺。
除咗直覺，你都要做資料蒐集
你都要對招手人嘅身世作出調查
千祈唔好因為一時嘅興奮
🤯就應承人啲乜，
🖌️或者就簽啲嘢。
可以貪心可以貪玩，
乜都可以試吓
但係時間金錢上嘅付出唔好太多。
🌈獅子座
整體：
等待好消息
愛情：
今個月應該好好享受一下
人緣運良好❤️
如果出去社交會幾受歡迎
不過唔需要心急～
今個月嘅精神狀態係應該放鬆
所有嘢隨緣😌🍵
適合嘅人自然會過嚟
所以你都唔使做太多嘢。
今個月亦都適宜進行Self Love活動
例如遊山玩水，甚至乎去旅行🧳
✈️🏖好好感受吓人生同埋世界
自愛，就係你從內移外發揮出來嘅氣場
所以對戀愛人緣運來講亦都十分重要
事業：
今個月心態偏向想休息
所以唔好逼得太緊
唔好將自己嘅時間表編得密密麻麻
多啲無所事事嘅空檔時間亦都可以
今個月應該注重個人狀態同埋身體健康多過事業
因為呢啲嘢其實都有影響你事業
所以你做呢啲嘢亦都係幫助緊你自己嘅事業
今個月聆聽同埋吸收嘅能力良好
可以去接觸一啲靜態學習
🌈處女座
整體：
一切在控制之內，非常好
愛情：
😛今個月比較心急，
沒有耐性等待對方嘅電話
沒有耐性等待對方嘅反應
但係過分主動會令對方有壓力
就算佢對你嘅愛意啱啱發芽🌱
如果太早施壓
🤪幼苗可能頂唔順💥
唔係你魅力有問題
只係處事同埋節奏嘅問題。
有另一半嘅人
今個月避免所有嘢都要自己話事
尤其是一齊住嘅人
要俾返啲機會對方做帶領者
關係，盡量平起平坐
互相幫忙信任會好啲🥰
事業：
🤩今個月適宜新開始
轉工，轉行，開舖頭，進修
總之你諗定一個大方向
就可以採取行動，
向着方向進發📈
有啲錢係必須要用嘅😎
只要唔係唔胡亂揮霍
而係計劃裏面要用嘅錢
🤪就唔需要太肉痛
💵💰小財唔出大財唔入！
🌈天枰座
整體：
成為焦點，有好有壞
愛情：
呢個月魅力不錯，
不過同時間亦都引來小人嘅注意
可能有人想批評你
有人想好奇八卦你嘅事
總之圍繞身邊嘅人有好有壞
認識新朋友嘅機會都多
所以自己要好好Filter一下
要緊記
適合你嘅人唔會令你傷心
單身同有另一半嘅人，
都要緊記呢一句
如果對方帶俾你不快樂
你就要好好觀察呢段關係發生緊咩事
事業：
忍一時風平浪靜
退一步海闊天空
今個月可能同同事或者上司有啲唔夾
大家做事方式唔同
如果你太過強硬嘅話
可能會成為焦點。
最好避免成為焦點
靜靜哋默默做
風平浪靜咁樣渡過呢個是非月啦。
自己做生意嘅話
唔好太多嘴
唔好同同行比較
例如講「出面啲人用呢啲唔新鮮，我哋自己呢度日日新鮮製造」你可以讚你自己，但係唔好攞其他人來講。
🌈天蠍座
整體：
憤世嫉俗嘅一個月
愛情：
今個月單身嘅朋友唔明點解自己單身
見到其他人幸福快樂嘅時候，
心裏面有啲費解
今個月有一股難以接近嘅氣場
同其他人製造一個距離
其實潛意識嘅你係怕再次傷心
所以暫時唔算太準備好有新關係。
唔緊要，唔需要心急
專注係一啲Self Love同埋self healing嘅活動上。
養生，養心
其實俾你愛上，俾你照顧嘅人好幸福
但係今個月唔急住派呢啲幸福住。
有另一半嘅人
今個月脾氣麻麻
盡量沉住氣，唔好撩交嗌啦。
事業：
今個月做決定嘅時候，有一點衝動
有時會睇啲蠢過你嘅人唔覺眼😝
但係所有嘢都唔需要第一時間講出嚟
🫢因為講咗出嚟就收唔返。
適宜深藏不露😎
所有嘢慢啲，冇問題
轉換新環境或者轉行之類
可以遲少少嘅話，就遲少少
🫡今個月好似未係時候。
🌈射手座
整體：
想休息嘅一個月
愛情：
今個月對社交提不起勁
雖然而家係春天🌸
但係個人進入冬眠狀態🥱
因為之前努力一輪
而家好想靜落嚟😌
六根清淨嗰隻靜落嚟
所以今個月先pamper自己
過咗呢個月就會進入下一個最佳狀態
有另一半嘅人😚😉
記住抽取啲獨處時間俾自己
因為就算兩個人一齊嘅冇嘢做時候
都唔算係你嘅休息時間
事業：
沒有動力也沒有安全感
明明之前嘅努力有啲成果
但係害怕失去
或者害怕維持唔到
所以心底裏面都係有啲囉囉攣
今個月適宜做一個小總結
睇清楚而家事業走到去邊
下一個目的地相係邊度
可以點樣去嗰個目的地。
旅行✈️散心都好好
不過唔好太過孤寒
🌈山羊座
整體：
慢慢解決問題
愛情：
這個月需要耐性😌
跟心儀對象發展非常緩慢🐌
要理解世界上不是所有事
都會跟著你的節奏進行
可能對方也有事發生
影響了這邊的進度
👉🏻建議尋求協助
可以問朋友🧑🤝🧑
可以打聽👂🏻
或者問問塔羅之類
了解一下你控制不了的部份
有另一半的人
對方可能有心事或不滿
😔沒有說出來
你要多關心對方❤️
事業：
這個月可以透過解決難題領功
要做些大事
讓大家看見你
不怕高調
不怕用人
最緊要不要太惡或太大脾氣
事業發揮良好的一個月
錢跟收成就之後先算啦
先努力💪🏻工作
🌈水瓶座
整體：
心情好，狀態好
愛情：
呢個月散發著光芒
好多人想同你玩🤩🤩🤩
但係當中真正明白你的人不多
你要好好挑選進一步的對象
唔需要花時間在每一個人身上
有另一半的人
唔好太多太多大group活動
要有啲二人世界
（廢在家不算）
二人旅行✈️就very good
事業：
呢個月氣息不錯😎
如果想轉工不困難
不過要想清楚
自己儲下來的知識和經驗
可以在下一站運用出來嗎？
如果完全荒廢的話，就有點浪費
👉🏻比較適宜轉去一個
至少有少少基礎嘅範疇
暫時唔好去一個完全陌生
要由頭認識嘅地方😵
團隊亦都好緊要
所以盡量同大家搞好關係
佢哋一鍾意你🤩
就會一路都鍾意你幫助你
🌈雙魚座
整體：
🤗防禦力up up
愛情：
維繫關係👩🏻❤️💋👨🏻
如果想建立關係嘅話
要用力維繫，溝通
🤦🏻♀️唔理會引誘🙅🏻♂️🙅🏾🙅🏼♀️
睇清楚而家手頭上已經建立咗嘅嘢。
聆聽係今個月最需要嘅！
想要關係嘅話
你就需要耐性。
事業：
🧚🏻♂️所有投資都只可以相信自己
如果有人同你講必勝嘅方法
或者某隻股票一定得
😒你一定唔可以衝動相信。
工作上亦都係
🫠可能會有人開空頭支票🤪
又或者例如話咗幾時加薪又唔加嗰
今個月只可靠自己
但係不需要太多動作
好好觀察🧐努力💪🏻就會安全渡過
EVITAvsEVITA 